Андрей Сорокин хаартыската, ЯСИА
Ил Дархан Айсен Николаев «Сулус» үөрэтэр-эрчийэр полигон салайааччытын, Арассыыйа Дьоруойа Александр Колесовы уонна кини солбуйааччытын, Арассыыйа Дьоруойа Николай Евдокимовы кытта мунньахтаата.
2025 сыллааҕы үлэ түмүктэрэ уонна билиҥҥи боппуруостара дьүүллэһилиннилэр. Александр Колесов быйыл полигоҥҥа 3 тыһыынча кэриҥэ киһи сылдьыбытын иһитиннэрдэ. Бу 2024 сылтан 2 тыһыынчанан элбэх.
«Полигоҥҥа дьарыктанар дьон ахсаана, ону таһынан биһиги бойобуой соприкосновение лииньийэтигэр үөрэппит байыастарбыт. Холобур, биһиги байыаннай дьайыы зонатыгар хас да төгүл командировкаҕа сылдьыбыппыт. Снайпиҥҥа дьарыктанар дьон ахсаана үксээн иһэр, тоҕо диэтэххэ усулуобуйа, үчүгэй полигон баар буолла. Биһиги кинилэргэ утары баран, босхо күннэрдээхпит. Ол – сэрэдэ, субуота. Сылдьааччылар бэйэлэрин сааларынан кэлэллэр, инструктажтаналлар, куттал суох буолуутун тиэхиньикэтин сурунаалыгар бэлиэтэнэллэр уонна эрчиллэллэр», – диэн Александр Колесов бэлиэтээтэ.
Айсен Николаев кэпсэтии кэмигэр эдэр ыччаты патриотическайдык иитиигэ уонна снайпиҥҥа үөрэтиигэ үлэ кээмэйин улаатыннарар наадаҕа улахан болҕомтотун уурда. Александр Колесов бу үлэ күүһүрэн иһэр тэтиминэн ыытылларын эттэ. Полигоҥҥа кадеттарга, ХИФУ Байыаннай үөрэҕин киинин курсааннарыгар уонна өрөспүүбүлүкэ оскуолаларын байыаннай-патриотическай кулууптарын үөрэнээччилэригэр дьарыктар ыытыллаллар. Оҕолору сэби-сэбиргэли сатаан туттууга уонна чопчу ытыы алын сүһүөҕэр үөрэтэллэр.
Полигоҥҥа инструктор, тириэньэр быһыытынан ураты байыаннай уопуттаах байыаннай кыттыылаахтара үлэлииллэр.
«Сулус» чопчу ытыыга үөрэтэр-эрчийэр полигон 2023 сыллаахха РФ Бэрэсидьиэнин Уһук Илиҥҥи федеральнай уокуруктааҕы боломуочунай бэрэстэбиитэлэ – вице-премьер Юрий Трутнев сорудаҕынан тэриллибитэ.
Бу дойдуга 3800 миэтэрэ ыраахха тиийэ ытар аҕыйах ахсааннаах полигоннартан биирдэстэринэн буолар. Полигон күнүс эрэ буолбакка, түүн эмиэ ытыыга исписэлиистэри бэлэмниир кыаҕы биэрэр наадалаах тиэхиньикэнэн хааччыллыбыт. Быйыл, Улуу Кыайыы 80 сылыгар, «Сулус» полигоҥҥа Аҕа дойду Улуу сэриитин аатырбыт снайпера, Сэбиэскэй Сойуус Дьоруойа Федор Матвеевич Охлопков сырдык кэриэһигэр анаммыт ыраахха ытыыга үһүс Бүтүн Арассыыйатааҕы күрэхтэһии ыытыллыбыта. Күрэххэ 120-тэн тахса ытааччы, ол иһигэр байыаннай дьайыы кыттыылаахтара кытыбыттара.
Бээтинсэ күн сарсыарда Дьокуускайга суол саахалыгар биир массыына умайбыт. Суоппардартан биирдэстэрэ быраабын ылан баран биир…
Бүгүн, сэтинньи 28 күнүгэр, пуорум иккис күнэ киин куорат сынньалаҥ пааркатыгар кыһыҥҥы сүүрүүттэн саҕаланна. –…
Сүрэх быраастара бэлиэтииллэринэн, киһи күнүн ыстакаан мүлүгүр ууттан саҕалыыра ордук. Сарсыарда уһуктаат икки ыстакаан ууну…
Бу күннэргэ Саха сиригэр тэрээһиннээхтик буола турар “Сыыппара алмааһа” пуорумҥа үгүс киһи тоҕуоруспут. Хаҥалас улууһун…
Саҥа дьыллааҕы бырааһынньыктар чугаһаан, харыйаны бэлэмнээһиҥҥэ ирдэбил үрдээн, СӨ Экологияҕа министиэристибэтэ ойуур хаһаайыстыбатын сокуонун ирдэбиллэрин…
Дьокуускайга Арассыыйа дьоруойдарын ийэлэрин быыстапката аһылынна. Экспозиция "Материнская слава Якутии" саалаҕа турда. Быыстапка Аҕа дойдуну…