Хаартыска -- СӨ Бырабыыталыстыбатын уонна Ил Дарханын пресс-сулууспата.
“Биир ньыгыл Арассыыйа” баартыйа эрэгийиэннээҕи салайааччыта Сулустаан Заболоцкай РФ сэбилэниилээх күүстэрин кэккэлэригэр сулууспалыы бэйэтин баҕатынан анал байыаннай дьайыыга кытта барда.
Анал эпэрээссийэ кэмигэр Сулустаан Заболоцкай байыаннай дьайыы зонатыгар тиийэн, Донецкай Народнай Өрөспүүбүлүкэҕэ, Кировскайы чөлүгэр түһэриигэ үэлээбитэ. “Биир ньыгыл Арассыыйа” баартыйа өрөспүүбүлүкэтээҕи салаата Саха сириттэн сылдьар байыастарга уонна Арассыыйа саҥа эрэгийиэннэригэр, Курскай уобаласка гуманитарнай көмөнү өрүү оҥорор.
“Байыанай дьайыыга волонтер быһыытынан хаста да сылдьыбытым, уолаттарга көмөлөспүтүм. Билигин быһаччы дьаһанар кэм кэлэн, фашизмы утары дьоруойдуу сэриилэһэр саллааттарбытыгар көмөлөһө барарга сананным. Бу күннэргэ «Биир ньыгыл Арассыыйа” Бүтүн Арассыыйатааҕы баартыйа бэрэссэдээтэлэ, РФ Куттал суох буолуутун Сэбиэтин бэрэссэдээтэлин солбуйааччы Дмитрий Медведев байыаннай дьайыыга баҕа өттүнэн барааччылар бөлөхтөрүн кытта сирэй көрүстэ. Хас биирдиибитин кытта кэпсэтэн баран, кини үтүөнү, ситиһиини баҕарда», — диэн санаатын үллэстэр Сулустаан Заболоцкай.
“Биир ньыгыл Арассыыйа” баартыйа эрэгийиэннээҕи салайааччыта Сулустаан Заболоцкай бу баартыйа ситэриилээх кэмитиэтиттэн байыаннай дьайыыга кытта барар үһүс салайааччынан буолар.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…