Хаартыска: Сулустаан Заболоцкай
Бүгүн дойдубут Арассыыйа күнүгэр, кини тутулуга суох буолуутун, көҥүлүн туруулаһыытын, күүһүн-кыаҕын, араас тыллаах, эгэлгэ култууралаах норуоттарын, бигэ доҕордоһууларын туһунан киэн тутта кэпсиир күммүт.
Сулустаан Заболоцкай, “Патриот” Киин салайааччыта:
— Барыгытын ис сүрэхпиттэн Арассыыйа күнүнэн эҕэрдэлиибин! Бу төрөөбүт дойдуларынан киэн туттар, кини кыаҕар итэҕэйэр, сайдыытыгар бэйэлэрин кылааттарын угар дьон бырааһынньыктара. Биһиги элбэх дьоруойдаах, кыайыылардаах, силистээх-мутуктаах дойду буолабыт. 80 сыл анараа өттүгэр аҕаларбыт, эһээлэрбит, хос эһээлэрбит Ийэ дойдуларын туһугар бэриниилээхтик, хорсуннук-хоодуоттук сэриилэһэн, гитлеровскай Германияны кыайан тураллар. Бүгүн Арассыыйа аармыйата Украинаҕа байыаннай дьайыыны ыытар. Мин соторутааҕыта бойобуой киирсиилэр буола турар сирдэриттэн кэллим. Дьэ онно өйдүүгүн, биһиги өбүгэлэрбит санааларын күүһэ биһиги сыалы-соругу толорорбутугар хайдахтаах күүһү-кыаҕы биэрэрин. Мин итэҕэйэбин, кыайыы биһиэнэ буолуоҕа!
Биһиги батальоммутугар Саха сириттэн төрдүө этибит. Ол да буоллар түөрт киһи туһугар волонтердар биһигини булан кэлэллэрэ, Сахабыт сирин кэһиитин, гуманитарнай көмөтүн тиэрдэллэрэ. Бу тугунан да кэмнэммэт итэҕэл, эрэл буолар. Ил Дархаммытыгар Айсен Николаевка, өрөспүүбүлүкэ бары олохтоохторугар барҕа махталбытын тиэрдэбит.
Ыччакка туһаайан, төрөөбүт дойдугутунан киэн туттуҥ диибин, эһигиттэн тутулуктаах дойдубут инники кэскилэ, барҕара-чэчирии сайдарын туһугар үлэлээҥ-хамсааҥ. Хас биирдиигит дууһатыгар Ийэ дойдуга тапталгыт баар буоллун, тирэх буолан өйүү сырыттын. Өссө төгүл бырааһынньыгынан! Барыгытыгар доруобуйаны, туруктаах олоҕу, өрөспүүбүлүкэбит уонна дойдубут туһугар саҥаттан саҥа ситиһиилэри.
«Аҕа дойдуну көмүскээччилэр» пуонда көмөтүнэн, байыаннай эпэрээссийэ бэтэрээннэрэ оҕолору уонна ыччаты патриотическай иитиигэ көхтөөхтүк кытталлар.…
Бүгүн Дьокуускай куоракка Бүлүүлүүр суолга баар сыбаалка умайбытын туһунан иһитиннэрии тарҕанна. Онуоха СӨ Экологияҕа, ойуур…
Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…
«Владимир Путины кытта сылы ырытыы» биэриигэ, ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …
Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…
Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…