Сулустаан Заболоцкай “Патриот” Киин салайааччытынан ананна

Бу туһунан Ил Дархан Айсен Николаев бэйэтин тг-ханаалыгар иһитиннэрдэ:

“Оробуочай көрсүһүүбүт кэмигэр киниэхэ маннык этиилээхпин иһитиннэрбитим. Сулустаан Владимирович биир бастакынан өрөспүүбүлүкэ тирэх пууннарыгар үлэлээбитэ, байыастарга көмөлөспүтэ, соторутааҕыта байыаннай дьайыы буола турар сириттэн кэллэ. Кини Ийэ дойдутугар бэриниилээҕин, эр санаалааҕын көрдөрдө, иэһин чиэстээхтик толордо.

Бүгүн патриотическай иитии эйгэтигэр бойобуой уопуттаах, күүстээх туруктаах дьон үлэлииллэрэ наада. Кинилэр ыччакка холобур эрэ буолбаттар, эдэр көлүөнэни Ийэ дойдуга бэриниилээх буоларга, устуоруйаны дьиҥнээхтик өйдүүргэ иитэллэр”.

Айсен Николаев Сулустаан Владимировичка туруоруллубут соруктары кыайарыгар эрэнэрин биллэрдэ, ситиһиилэри баҕарда.