Сулустан Заболоцкай: «Арассыыйа саҥа субъектарын өйөөһүн – Саха сирин уонна «Биир ньыгыл Арассыыйа» сүрүн соруктара»

«Биир ньыгыл Арассыыйа» баартыйа эрэгийиэннээҕи ситэриилээх кэмитиэтин салайааччыта Сулустан Заболоцкай РФ Бэрэсидьиэнэ Владимир Путин дойду састаабыгар саҥа киирбит эрэгийиэннэри өйөөһүн туһунан этиитин сэргээтэ.

«Арассыыйа Бэрэсидьиэнэ дойду саҥа субъектарын эрэгийиэннэр өттүлэриттэн өйүүллэрэ улахан суолталааҕын бэлиэтээтэ. Бэрэсидьиэн бу соруга Саха сиригэр уонна «Биир ньыгыл Арассыыйа» баартыйаҕа тутаах соругунан буолар», – диэн бэлиэтээтэ Сулустан Заболоцкай.

Кини Саха сирэ 2022 с. ДНР Кировскай куоратын кытары шефтэспитин санатта. Кировскайга номнуо 60-тахса эбийиэк өрөмүөннэннэ.

Бу куораты 2024 с. диэри чөлүгэр түһэрии былаана бигэргэтилиннэ. Ол курдук 46 эбийиэк, ол иһигэр аҕыс элбэх кыбартыыралаах дьиэ, 16№-дээх оҕо саада уонна музыкальнай оскуола, ОДьКХ 14 эбийиэгэ өрөмүөннэнэрэ былааннанар. Кировскай куоракка «Биир ньыгыл Арассыыйа» баартыйа уонунан актыбыыстара үлэлии сылдьаллар.

«Мин хаста даҕаны Кировскайга үлэлии сылдьыбытым. Биһиги эрэгийиэннэрбит икки ардыларыгар сылаас доҕордуу сыһыан үөскээтэ, олохтоохтор Саха сирин туһунан үчүгэйдик билэллэр. Дьиҥнээх бырааттыы сыһыан олохтонно», – диэтэ Сулустан Заболоцкай.