Сулустар кэпсииллэр

Муус устар ыйга төрөөбүттэр. Бэлиэлэрэ -дьэргэлгэн

Эр киһи

Өһөс, хадаар соҕус майгылаах, билбэт киһи толло көрөр кытаанах, тыйыс дьүһүннээх. Кини оҕуруктаах өйдөөх буолан, туох да албыҥҥа киирэн биэрбэт.

Айылҕаттан байанайдаах булчут. Күүскэ таптаан ыал буоллаҕына, дьиэ кэргэнигэр истиҥ, сылаас сыһыаннаах, наһаа бэриниилээх. Оттон таптала суох холбостоҕуна, сыһыана тымныы, хаҕыс буолар.

Дьахтар

Тастан көрдөххө, бэйэтин билиммит курдук туттар, ол бэйэтин көмүскэнэр дьүһүнэ. Мээнэ киһини бэйэтигэр чугаһаппат, ол эрээри санаатын иһинэн ылыннаҕына, истиҥ, элэккэй сыһыаны олохтуур. Олус бэриниилээх дьүөгэ. Өһөс буолан, туох баар кыһалҕаны кыайар.

«Саха ыалын халандаарыттан»,

«Айар» кинигэ кыһата.