СУЛУСТАР КЭПСИИЛЛЭР: КҮРҮЛГЭН

Күрүлгэн (21.01. — 18.02.). Күрүлгэн бэлиэтигэр төрөөбүттэргэ.

Бу сылтан элбэҕи күүтүмэ. Ситиһии бэйэтэ кэлиэ диэн эрэнимэ. Төттөрүтүн үгүс сыраҕын-сылбаҕын ууран, утарсааччылары кытта киирсэн сыалгын ситиһиэҥ. Ол гынан баран сыл устата баҕарбыккын чэпчэкитик уонна түргэнник ыларгар хас да үөрүүлээх түгэн үүнүө. Өскөтүн бу долгуҥҥа олорсон, туттан-хаптан хаалаххына, барыта судургутук табыллыа. Бастакы маннык түггэн кулун тутар ортото үүнүө. Ыам ыйа уонна бэс ыйын саҕаланыыта туспа ураты буолуохтара. Бу кэмҥэ истиҥ сыһыаҥҥа болҕомтоҕун уур. Кэмигэр бастакы хардыыны оҥороҥҥун, сыһыаҥҥытын биллэ тупсарыаххын сөп. Иккис түгэн алтынньыга үүнүө. Бу кэмҥэ үп-харчы, үлэҕэ ситиһии боппуруостарыгар болҕомтоҕун уур, улахан тугу эрэ атыылаһан, олоххун үчүгэй өттүгэр уларытыаххын сөп. Атын ыйдар сыраҕын-сылбаҕын эрэйиэхтэрэ, үгүс күннээҕи кыһалҕа сэниэҕин эһиэҕэ, оттон бэйэҕэр уонна чугас дьоҥҥор бириэмэ кырыымчык буолуоҕа.

Саха ыалын халандаарыттан, 2026 с.

«Айар» кинигэ кыһата.