Сулустар кэпсииллэр: сэтинньигэ төрөөбүттэр

Сэтинньигэ төрөөбүт дьон майгытын төһө билэҕин? Сулустар кэпсииллэринэн, бэлиэлэрэ — ый.

Эр киһи

Үлэтигэр айымньылаахтык сыһыаннаһар, саҥаны тобула сатыыр. Күүстээх санаалаах. Айылҕаҕа чугас, булка уһуйулуннаҕына, тыаттан тахсыбат байанайдаах сонордьут.

Эппиэтинэстээх, кыһамньылаах, толоругар, сыал-сорук туруоруннаҕына, хайаан да үрдүк таһымҥа тахсар. Дьахталлары наһаа кэрэхсиир. Тапталы өрө тутар.

Дьахтар

Ис киирбэх, кэрэ дьүһүннээх, бэйэтин наһаа көрүнэр. Хаппырыыһа суох судургу  майгылаах эрээри, өһөстөҕүнэ иннин биэрбэт.

Дьиэтигэр-уотугар лоп бааччы дьаһаллаах. Үөрэххэ, сайдыыга тардыһар. Эр киһиэхэ хаҕыс соҕус сыһыаннаах, үрдүк ирдэбиллээх. Дьиэтигэр-уотугар бэйэтэ дьаһайарын сөбүлүүр эрээри, куруутун солото суох буолан, кыратык ыһыллаҕас-тоҕуллаҕас.

Саха ыалын халандаарыттан.

«Айар» кинигэ кыһата.