Сулустар сипсийэллэр…

Хас биирдии киһи үүнэр сылтан туох эрэ уратыны, үчүгэйи кэтэһэр, эрэнэр. Астрологтар ыйдарынан бэлиэлэргэ 2025 сыл – От күөҕэ Мас Моҕой сыла хайдах буолуон билгэлээбиттэр.

Хой

Хой бэлиэлээхтэри 2025 сылга уларыйыы күүтэр, үүнэргэ-сайдарга саҥа кыахтар аһыллыахтара. Кинилэр ханнык баҕарар түгэҥҥэ баһылыырга соруналлар. 2025 сылга Сатурн ыам ыйын бүтүүтүттэн балаҕан ыйыгар диэри эһиэ­хэ табыллыыны аҕалыа, оттон Юпитер дьону кытта алтыһыыга, сибээс­кэ эппиэттиир. Сыл бастакы аҥаара үөрэнэргэ, айанныырга, сибээһи олохтуурга табыгастаах. Ол аата, үлэҕитигэр уонна тус олоххутугар суолталаах хардыылары оҥорорго табыгастаах кэм. Соругу ситиһэр туһугар тулуурдаах, дьулуурдаах буолуҥ.

Оҕус

2025 сылга элбэхтик долгуйуоххут, көһүтүллүбэтэх түгэннэри көрсүөххүт. Ол эрээри, бу барыта сайдыыга, саҥалыы көрүүгэ сирдиэҕэ. Кулун тутарга – муус устарга уустуктары көрсүөххүтүн сөп. 2025 сылга Уран эһиги диэки хайыһыаҕа, үлэҕитигэр уларыйыы буолуо. Сайын, инникитин дохуоккутун үлүннэрэр соһуччу дьыалабыай этии киириэн сөп. От ыйыттан алтынньыга диэри үп-харчы өттүнэн туругу, үөрэҕи, биисинэһи тупсарыыга, айанныырга, юридическай боппу­руостары быһаарарга саамай тоҕоос­тоох кэм.

Игирэлэр

Игирэлэргэ 2025 сыл саҥа кыахтары арыйыа­ҕа, умнуллубат түгэннэри бэлэхтиэҕэ. Үлэҕит эриирдээх-мускуур­даах буолуон сөп. Сорох боппуруостарга атыттары кытта сөбүлэһэр ирдэнэр. Юпитер ыам ыйыгар диэри эрэли үөскэтиэҕэ, ситиһиини аҕалыаҕа. Онон саҕаламмыт дьыалалар, уһун болдьохтоох быра­йыактар дохуоккутун эбиэхтэрэ, туруккутун тупсарыахтара. Сайыҥҥы кэмҥэ дьону кытта алтыһар, идиэйэ үллэстэр, былаанныыр, атыылаһар табыгас­таах. Соҕотох сылдьар игирэлэр сүрэххит аҥаарын көрсүөххүтүн сөп.

Араак

Араактары 2025 сыл­га уларыйыы, үлэҕэ үрдээһин күүтэр. Хамсаабат баайы-дуолу кулун тутарга диэри атыылаһыҥ, дьиэҕитин бу кэмҥэ өрөмүөннэниҥ. Бэс ыйыттан алтынньыга диэри саҥа дьону кытта билсиэххит, сибээс олох­туоххут. Үөрэх ыларга, биисинэскэ, айанныырга, юридическай боппуруос­тарга сатабыллаах кэм. Бу бырайыактар ситиһиилээх буолуохтарын, кэлин үчүгэй дохуоту аҕалыахтарын сөп. Онтон атырдьах ыйыгар эһигини саҥа, ураты билсиһиилэр, сыһыан күүтэр. Атырдьах ыйа инвестицияҕа, улахан малы атыылаһарга табыгастаах.

Хахай

Хахайдарга сыл бастакы аҥаара балачча ситиһиилээх. Апта­ры­тыаттара өссө күүһү­рүөҕэ, онон түгэни мүччү тутумаҥ. Романтическай сыһыаҥҥа саҥа таһым­ҥа тахсарга табыгастаах кэм. Ыам ыйыттан алтынньы ортотугар диэри Сатурн күүскэ көмөлөһүөҕэ: дьыалаҕа, үлэҕэ үрдээһиҥҥэ, дьиэ-­уот, кыбартыыра, даача, учаастак атыытыгар. От ыйыттан сэтинньигэ диэри үлэҕитигэр уларыйыы тахсыаҕа. От ыйын 18 күнүттэн атырдьах ыйын 11 күнүгэр диэри соччото суох сураҕы истиэххитин, айаҥҥа, дьыалаҕа уустуктар күөрэйиэхтэрин сөп.

Кыыс

Кыыс бэлиэлээхтэргэ кэлэр сыл тус олоххутугар, үлэҕитигэр уларытыылары аҕалыа. Дьылҕаны быһаарар кэминэн саас уонна күһүн буолуохтара. Кулун тутарга олоххутугар бэлиэ түһүмэх түмүктэ­ниэҕэ. Балаҕан ыйа тус олоххутугар сыһыаҥҥытын тургутан көрүөҕэ. Соҕотох сылдьар дьон күһүн сүрэххит аҥаарын көрсүөххүтүн сөп. Сыл бастакы аҥаара уустуктук ааһыаҕа. Ол эрээри, ыам ыйыттан от ыйыгар диэри Уран эһиги олоххутугар уларытыылары киллэриэҕэ. Холобур, дохуот үрдүүрүгэр саҥа, сэргэх дьону кытта билсии, кэскиллээх бииргэ үлэлэһии.

Ыйааһын

Ыйааһын бэлиэлээхтэргэ 2025 сыл бастакы аҥаара үөрэххэ, омук тылын үөрэтиигэ, идэ таһымын үрдэтиигэ ситиһиини эрэннэрэр. Бу кэмҥэ олохсуйбут дьыалабыай сыһыан барыстаах буолуоҕа. Сааһыары доруобуйаҕытыгар болҕомто уурар ирдэнэр. Үлэҕитигэр ноҕурууска иммунитеккытын мөлтөтүөн сөп. Онон кэмигэр быраас­ка көрдөрүнэр, сынньанар ордук. От ыйын иккис аҥаарыттан алтынньыга диэри Юпитер күүскүтүн, санааҕытын күүһүрдүөҕэ. Ол да буоллар, бу кэмҥэ тэҥинэн хас да бырайыакка ылсымаҥ. Балаҕан ыйыгар эмиэ доруобуйаҕытын көрүнүҥ.

Скорпион

2025 сыл бастакы аҥаарыгар скорпионнар туох баар күүстэрин инникитин олохторугар бигэ тирэҕи уурар туһугар аныахтара. Олунньуга хам­саабат баайга-дуолга сыһыаннаах илии охсуһарга, дьиэ өрөмүөннүүргэ табыгас­таах. Кулун тутарга табыллыы күүтэр: наҕараада эбэтэр урут укпут харчыгытыттан дохуот кэлиэҕэ. Сыл иккис аҥаа­ра (ордук от ыйыттан балаҕан ыйыгар диэри) олоххут үгүс эйгэтигэр табыллыаххыт. Бэйэҕитигэр эрэлгит күүһүрүө, материальнай, духуобунай баайгыт үрдүк. Үөрэнэргэ, айанныырга, бииси­нэскэ, юридическай боппуруостарга сатабыллаах кэм.

Охчут

Кэлэр сыл охчут бэлиэ­лээхтэргэ суолта­лаах түгэннэрдээх, уларытыылаах сылынан буолуоҕа. Үлэҕитин уонна тус олоххутун тэҥҥэ дьүөрэлээҥ, ордук бириэмэҕитин дьиэ кэргэҥҥитигэр, чугас дьоҥҥутугар анааҥ. Кулун тутарга саҥаны, туһалааҕы саҕалыыр кэм. Соҕотох сылдьар охчуттар билсэллэригэр кулун тутар, муус устар табыгастаах. Балаҕан ыйыгар чугас дьоҥҥутун кытта сыһыаҥҥыт уустугуруон, кинилэр доруобуйаларын, көһүүлэрин кытта сибээстээх кыһалҕалары быһаарар ирдэниэн сөп. Бу кэмҥэ тулуурдаах буола сатааҥ.

Чубуку

Чубуку бэлиэлээхтэргэ үлэҕэ үрдээһини оҥосторго, биисинэскэ 2025 сыл олунньута ситиһии­лээх буолуо. Тулуурдаах, бэйэҕэ эрэллээх буолуугутунан түмүгү ситиһиэххит.Сааһыары үөрэх, биисинэс боппуруостара, ыраах айаннар судургутук быһаарыллыахтара. Кулун тутар бүтүүтэ олоххут эһигини тургутан көрүөҕэ. Сыл иккис аҥаарыгар бииргэ үлэлэһии улахан суолталаныаҕа. Юпитер олоххутун тупсарыыга, дохуоккутун үлүннэриигэ бэйэтинэн сирдиэҕэ. Күһүҥҥү кэми үөрэххэ, саҥа билсиһиилэргэ, туһалаах алтыһыыларга анааҥ.

Күрүлгэн

Күрүлгэни бу сылга саҥаттан саҥа улары­йыылар күүтэллэр. Ол эрээри, ордук кулун тутарга доруобуйаҕытын көрүнүҥ. Сыл бастакы аҥаа­рыгар бэйэҕитигэр эрэлгит күүһүрүө. Дохуоккутун үрдэтэргэ кыах көстүөҕэ. Соҕотох күрүлгэннэри романтичес­кай сыһыан күүтэр. Ордук табыгас­таах ыйынан муус устар буолар: үөрэххэ, биисинэскэ. Сыл иккис аҥаарыгар үлэҕит күүһүрүө, доруобуйаҕыт тупсуо. Кэллиэгэлэргитин кытта сыһыаҥҥыт, дьыалабыай этиилэр табыллыахтара.

Балыктар

Сорох балыктар 2025 сылга баҕарбыт баҕа санаалара туолуо­ҕа. Саамай суолта­лаах кэмнэр саас уонна күһүн. Бу кэмҥэ бииргэ үлэлэһиигэ болҕомтону уурар эрэйиллэр. Сыл иккис аҥаарыгар үпкэ-харчыга табыгастаах кэм. От ыйыттан алтынньыга диэри дохуоту элбэтэргэ сатабыллаах ыйдар. Үлэҕитигэр эрдэтээҥҥи кыһамньыгыт үтүө түмүктэри аҕалыа: бу үлэҕитигэр үрдээһин да, үп-харчы даҕаны өттүнэн буолуон сөп. Ол эрээри, үлэҕитигэр кыһамматах буоллаххытына, хомойуоххутун, ону тэҥэ, сыалгытын уларытыаххытын сөп.