Хаартыска: Сунтаар улууhун дьаhалтатын пресс-сулууспата.
Сунтаар улууһун баһылыга Анатолий Григорьев көҕүлээһининэн Владивостокка сулууспалыы сылдьар уолаттар сайын кэлиитин уруйдаатылар.
Хас биирдии саха киһитэ күөххэ үктэнэн, сайын кэлиитин уруйдуур-айхаллыыр үтүө үгэстээх. Бу күн ыһыах ыһан, үөһэ Айыылартан алгыс ылан, олох тупсуутугар, сайдыытыгар, чөл буолууга туһуланар. Маныаха сулууспалыы сылдьар уолаттарбытын алгыһынан маанылыыр сыаллаах Сунтаар улууһун делегацията Владивосток куоракка тиийэн, умнуллубат түгэни бэлэхтээтилэр.
Ыам ыйын 27 күнүгэр муора кытылыгар турар «Юнга» лааҕырыгар сахалар тоҕуоруһа муһуннулар. Маны тэҥэ, араас омуктар кэлэннэр үтүө үгэһи сэргии көрдүлэр. Ордук устудьуоннар, байыаннайдар, контрактниктар элбэхтэр.
Уолаттарбыт дойдуларын этин, куһун, кымыһын амсайан кыах-уох ылыннылар, дуоһуйа сынньаннылар.
Тэрээһин төрүт үгэһи тутуһан ыытылынна. Култуура эйгэтин үлэһиттэрэ ымпыгар-чымпыгар тиийэ толкуйдаан, алгыс баһын сыалаатылар, саха таҥаһыгар, уһун суһуохтаахтарга, түһүлгэни тэрийиигэ, өбүгэ оонньуутугар күрэстэр олохтоннулар.
Бастыҥнары, кыахтаахтары, күүстээхтэри, быҺыйдары быһаарар мас тардыһыы, хапсаҕай күрэһэ өрө тутулунна. Маны тэҥэ өбүгэ оонньуута, барыта 5 көрүҥҥэ (Тутум эргиир, мас тардыһыы, хапсаҕай, ыйааһыннаах куулу көтөҕүү, үс төгүл үс) ыытылынна. Муҥутуур кыайыылаахтар уу харчынан наҕараадаланнылар. Мас тардыһыыга уонна многоборье күрэһэр Арассыыйа армиятыгар сулууспалыы сылдьар уолбут чөмпүйүөннээтэ.
Ыһыаҕы Уһук Илиҥҥи Федеральнай Уокурук үлэһиттэрин кытары бииргэ сүүрэн-көтөн тэрийилиннэ. Ким Александрович хамаандатыгар махталбытын тиэрдэбит.
Төһө да төрөөбүт дойдуларыттан тэйиччи сырытталлар, дойду көмүскэлигэр туруммут хорсун-хоодуот уолаттарбыт, бу курдук ыһыах ыһан, дойдуларыгар ахтылҕаннарын таһаардылар.
Сунтаар улууhун дьаhалтатын пресс-сулууспата.
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…