Сунтаар 1-кы нүөмэрдээх оскуолатыгар улахан өрөмүөн үлэтэ ыытыллар

Сунтаарбыт саамай элбэх үөрэнээччилээх, улахан кээмэйдээх оскуолатыгар быйыл улахан өрөмүөн үлэтэ ыытыллар. «Модернизация школьных систем» диэн национальнай барылынан 115 мөл. солк.үп көрүллэн үлэ барар.

Аҥардас көтүрүүгэ киһи сылбата баранар үлэтэ ыытылынна. Сөбүлэҥ быһыытынан бастакы мэндиэмэн муостата 8 см. көтүллүөхтээҕин, дьыалаҕа 12 см., ону кытта 10 см. ыарахан бетон эбиликтээх буолла. Ону таһынан докумуоҥҥа кырааскалааһын үлэтэ эрэ диэн ыйыллыбытын биригээдэ бэйэтин көҕүлээһинэн икки улахан уйуктаах массыына тухары штукатурка кэлэн бу үлэ кыайа тутуллуоҕа.

Билиҥҥи туругунан көтүрүү үлэтэ түмүктэнэн 80-ча саҥа түннүктэр турдулар, ититии систиэмэтэ тардыллан эрэр, муоста оҥоһуллар. Өрөмүөнү «ВИМ-строй» тэрилтэ ылсан, билигин 22 киһи үлэлии сылдьар, үгүһэ олохтоох уолаттар буолаллара үөрдэр.

Оскуола өрөмүөннэнэр кэмигэр оҕолорбут Сунтаар алын сүһүөх оскуолатын мас дьиэтигэр сарсыарда уонна эбиэт кэннэ диэн солбуһан үөрэнэллэр. Онтон онус, иккис, үһүс кылаастар лиссиэйгэ бааллар.

Өрөмүөн үлэтэ атырдьах ыйын 15 күнүгэр бүтүөҕэ, күһүҥҥү үөрэх дьылыгар бэлэм буолуоҕа.

Тускулаана ГОРОХОВА-КОБЕЛЬЯНОВА,

ыам ыйын 12 күнэ, 2025 сыл.