Сунтаар: быстах хомуурга барбыт дьон дьиэ кэргэттэригэр оттук маһынан көмөлөстүлэр

Алтынньы  20-21 күннэригэр Сунтаар нэһилиэгин дьаһалтатын эр дьонун уонна «Эр дьон сүбэтэ» түмсүү тэрийиитинэн  улахан субуотунньук буолан ааста.

Бастатан туран, бу тэрээһин мобилизацияланан уонна доброволеһынан барбыт эр хоһууттар дьиэ кэргэттэрин  оттук маһынан хааччыйыы буолла.
Иккиһинэн, нэһилиэк кырдьаҕас дьонугар оттук маһы көмө быһыытынан аҕаллылар.
Уопсайа 30 ыалга  хаппыт мас түҥэтилиннэ.

Нэһилиэк баһылыга Эдуард Филиппов:

— Сунтаар нэһилиэгин тэрилтэлэрин салайааччылара, үлэһиттэрэ  биир санаанан салайтаран, икки күнү быһа күргүөмнээх үлэҕэ кытыннылар. Ол курдук, баһаарнай чаас, колледж, РЭС, 1-кы нүөмэрдээх оскуола, «ОДьКХ» ГУП, аэропорт, ТОС уонна да атыттар. Сунтаар эр дьоно түмсүүлээҕин, биир санаалааҕын көрдөрдө.
Аны даҕаны бу курдук, сомоҕолоһон дьоммутугар-сэргэбитигэр күүс-көмө, өйөбүл-тирэх буола туруохпут.
Үлэҕэ кыттыыны ылбыт уолаттарга, улахан махталбытын биллэрэбит!