ТУСКУЛААНА ГОРОХОВА-КОБЕЛЬЯНОВА хаартыската.
2024 сыл — Күɵх Луо сыла, онтон саха халандаарынан Айыыһыт сыла. Бу сыл бэлиэтин Сунтаар Хаданын уран ууһа Иннокентий Иванов хаарынан олус ураннаан, оҥорон таһаарбыта киэҥ биһирэбили ылла.
Иннокентий Иванов сыл ахсын хаар оҥоһук арааһын оҥорон дьонун-сэргэтин үɵрдэр, уран оҥоһугунан бар дьонун кэрэхсэтэр үтүɵ үгэстээх. Сунтаардар саҥа сылы кɵрсɵр үтүɵ күннэрэ тосхойдулар да Хадан Киэсэтэ быйыл хаарынан тугу айара-тутара, уранныыра буолла дэһэбит. Быйыл кини хаарынан ох, кыптый тутуурдаах, аар айылҕа тыыннаахтара доҕордоох Айыыһыт Хотуну айан, ураннаан күн сиригэр кɵрдɵрдɵ.
Киэсэ хаарынан уһаммыта отучча сыл буолла. Бастаан оҕолор уһуйааннарыгар сыл бэлиэлэрин оҥороро, онтон кэлин дьиэтин аттыгар уранныыр үгэстэнэн баҕалаах бары кэлэн кɵрɵр, кэрэхсиир буолбуттара. Арай былырыын доруобуйатынан мɵлтɵɵн оҥорботох сыллаах. Киһи сɵҕɵрɵ, бу кэрэ айымньы уран уус күүстээх ыра санаатынан айыллан тахсыбыта, Иннокентий уҥа илиитин бэгэччигэр диэри биэс сыл аннараа ɵттүгэр станокка былдьаппыта, хаҥаһа эмиэ эчэйиилээх… Ону ол диэбэккэ, алта уон сааһыгар ыра кыайарын киһи бэйэтэ сатыахтаах диэн ураннаабытын кɵрүҥ эрэ.
Быйыл Айыыһыты — Хаар харысхалы үгүс киһи кэлэн кɵрɵн барда. Дьокуускайтан, Амматтан, Сунтаартан ааҕан ситиллибэт киһи кэлэн кɵрɵн, хаартыскаҕа хатанан, сорох алгыс кытта алын бардылар. Айыыһыт Хотун бэйэтин ытык сылыгар өр ыралаабыт, күүппүт күндү далбар хотуттарбытыгар оҕо кутун бэлэхтээтин, дьиэ кэргэни харысхаллаатын!
ТУСКУЛААНА ГОРОХОВА-КОБЕЛЬЯНОВА.
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…