Сунтаар кэрэ аҥардара күннэрин эр дьон ырыатынан көрүстүлэр!

Аалай кыһыл — таптал өҥүнэн киэргэммит «Сааскы серенада» кэнсиэр угуйуктуур афишатыгар бэйэтэ отучча эр киһи мэтириэтэ кэккэлэһэр.

Бастакы санаа: «Айыбыын бачча элбэх ырыаһыт эр дьонноохпут дуо?», — диэн… онуоха кэнсиэркэ сылдьан баран: «Бааллар эбит…»,- диэн үөрэ-көтө, киэн тутта кэпсиибин. Киһи сөҕөрө ырыаһыттар култуура эрэ үлэһиттэрэ буолбакка ОДьКХ, успуорт, үөрэҕирии, урбаан эйгэтиттэн эр хоһууттар түмүллэн кэрэ аҥардарга бэртээхэй кэнсиэри тэрийдилэр. Барыл ааптара, ыытааччыта Айсен Сүөдэрэп сабыс-саҥа, кыһыл көмүс киэргэллээх бинсээгин аньынаат салайааччытынаан Юрий О-луун аан тыл этэн арыйааттарын кытта «Өрөгөй», «Дьулуур» ансаамбылары кэккэ биирдиилээн ырыаһыттар, колледж үҥкүүһүт уолаттарын кытта икки чаастаах кэнсиэри биир тыынынан көрөн астынныбыт. Тэрийэччилэргэ, кыттааччыларга барҕа махтал!

Сонун курдук этэр буоллахха, ОДьКХ үс ырыаһыт уолаттара ылбаҕай ырыаларынан сүрэҕи долгутан эһиил сатаннаҕына кинилэр кэнсиэртиэхтэрэ диэн буолла! Сыанаҕа эр киһи таҕыстаҕына ураты дьоһун көстүү, өссө ис сүрэхтэн ыллаан бардаҕына үгүс сүрэҕи долгутар…

Тускулаана ГОРОХОВА-КОБЕЛЬЯНОВА