РФ Силиэстийэлиир кэмитиэтин Саха сиринээҕи салаатын Ньурбатааҕы оройуоннар икки ардыларынааҕы силиэстийэлиир отдела 34 саастаах эр киһи уонна 64 саастаах дьахтар өлөрүллүбүттэрин чахчытын быһаарыыга холуобунай дьыала силиэстийэлэнэр.
Криминальнай өлөрүү бэлиэтинэн быйыл олунньу 24 күнүгэр Сунтаар улууһун Кутана сэлиэнньэтигэр чааһынай дьиэҕэ икки киһи өлүгэ булуллубут. Силиэстийэ чахчыларынан, олунньу 24 күнүн үүнэр түүнүгэр 35 саастаах эр киһи бэйэтин билэр киһитин кытта арыгы иһэн баран, иирсээн кэмигэр эмсэҕэлээччи төбөтүн тимир ломунан охсубут. Эмсэҕэлээччи ылбыт эчэйиититтэн тутатына суорума суолламмыт.
Ол кэнниттэн уорбаланааччы кырдьаҕас дьахтар олорор дьиэтигэр тиийэн, урукку атаҕастабылын иэстэһэр санаатынан, эмсэҕэлээччи төбөтүн сүгэнэн хас да төгүл охсубут. Саастаах дьахтар дьиэтин-уотун умата сатаан баран, ыаллыы сытар нэһилиэк хайысхатыгар куотуммут, ол эрээри Сунтаар улууһун участковай боломуочунайынан тутуллубут уонна силиэстийэлээччигэ туттарыллыбыт. Эр киһи хаайыллан олорор. Билигин холуобунай дьыалаҕа силиэстийэлиир үлэлэр ыытыллаллар диэн РФ Силиэстийэлиир кэмитиэтин Саха сиринээҕи салаата иһитиннэрэр.
Эдьигээн оройуонугар аварийнай-чөлүгэр түһэрэр үлэни ыытыыга Ил Дархан Айсен Николаев ахсынньы 5 күнүгэр киэһэ ыксаллаах…
Бүгүн эрэл, таптал уонна үөрүү күнэ. Чугас дьоҥҥутун кытта бииргэ буолуҥ, үтүө санааҕытын кытта үллэстиҥ.…
Бүгүн Дьокуускай куоракка Преображенскай таҥара дьиэтигэр православнай итэҕэллээхтэр мустуохтара. Бу сарсыарда 10:00 чааска Ороһуоспа иннинээҕи …
Бүгүн, тохсунньу 6 күнүгэр, норуот суруйааччыта, СӨ ускуустубатын үтүөлээх диэйэтэлэ, П.А.Ойуунускай аатынан Судаарыстыбаннай бириэмийэ лауреата…
Бүгүн, тохсунньу 6 күнүгэр, Саха сирин синоптиктара кыралаан хаар түһэрин, үгүс оройуоннарынан сөҥүүтэ суох, нэһилиэктэринэн…
Быйылгы 2025 сыллаах Оһуокайбыт Аар Дархан этээччибит, сүүс сааһыгар үктэнэрэ аҕыйах сыл эрэ хаалбыт ытык…