Сунтаар Кутанатыгар икки киһини өлөрүүгэ уорбаланар киһини туттулар
![](https://sakha-sire.ru/wp-content/uploads/2024/02/photo_2024-02-26_09-25-55.jpg)
Ааспыт сууккаҕа өрөспүүбүлүкэҕэ буруйу оҥоруу 5 түбэлтэтэ тахсыбыта бэлиэтэннэ диэн иһитиннэрэр СӨ Борокуратууратын пресс-сулууспата.
Сунтаар улууһун Кутана сэлиэнньэтигэр 1959 с.т. дьахтары уонна 1990 с.т. эр киһини өлөрүү таҕыста. Икки киһини өлөрүүгэ уорбаланааччы тутулунна, РФ ХК 105-с ыстатыйатынан холуобунай дьыала тэрилиннэ, Борокуратуура хонтуруолугар ылылынна.
Нерюнгри куоракка түөкүннээһин туһунан үҥсүү киирдэ, 215 тыһ. солк. уорулунна (схемата – «инвестициялааһын»), оттон Дьокуускайга итирик туруктаах сылдьан хаттаан тырааныспары ыыппыт киһи тутулунна.
Киһи өлүүлээх суол-тырааныспар саахала тахсыбыта бэлиэтэммэтэ.
Томпо оройуонугар «Яна» айан суолун 154 км 1989 с.т. суоппар арыгы испит туруктаах VOLVO FM-TRUCK массыынаны ыытан иһэн FOX TANK цистернэтин соһон иһэр тэрилэ алдьанан, сыыртан түһэригэр түҥнэһиннэ. Суол быһылаанын түмүгэр 3 туонна кэриҥэ дизельнэй уматык тоҕунна.
Итини таһынан суукка иһигэр арыгы испит туруктаах 16 суоппар тырааныспары ыыта сылдьан тутулунна.
Сообщить об опечатке
Текст, который будет отправлен нашим редакторам: