Мира Афанасьева хаартыската
Оҕолорун сахалыы тыыҥҥа, төрөөбүт тылларынан саҥарарга иитиэн баҕалаах Дьокуускай куорат төрөппүттэрэ “Күөрэгэй” түмсүүнү тэрийбиттэрэ.
Билигин бу түмсүү салаалара улуустарга үлэлиир буолла. Сунтаарга салааны эдэр ийэ, саха тылын учуутала идэлээх Сардаана Афанасьева салайар. Кини бэйэтин аттыгар эмиэ бэйэтин курдук көрүүлээх, оҕолорун сахалыы эйгэҕэ иитиэн баҕалаах ийэлэри түмэн араас тэрээһиннэри, көрсүһүүлэри тэрийэн саҕалаатылар. Бастакы улахан тэрээһиннэринэн П.А.Ойуунускай айымньыларын уус-ураннык ааҕыы күрэһин тэрийдилэр. Күрэскэ 18 кыттааччы кытынна. Төрөөбүт дойдуга таптал, бэриниилээх буолуу туһунан хоһооннору ордук уолаттар ааҕаллара дьон сэҥээриитин ылла. Күрэс муҥутуур кыайыылааҕынан Элгээйиттэн Сергей Слепцов буолла, салайааччыта Л.Н.Павлова.
Сунтаар күөрэгэйдэрин бастакы улахан тэрээһиннэригэр Дьокуускай куораттан «Күөрэгэй» түмсүү кыргыттара: юрист идэлээх Сардаана Кулаковская, «Уютно» маҕаһыын хаһаайката, блогер Евдокия Попова, логопед идэлээх Валентина Татаева ыалдьыттаатылар, көрсүһүү оҥордулар. Кыргыттар көрсүһүүгэ кэлбит ийэлэргэ оҕону сахалыы иитии, бэйэ брендин оҥостуу, дьоллоох дьиэ кэргэн хайдах буолуохтааҕын туһунан санааларын үллэһиннилэр. Блогер кыргыттар олохтон бэйэ холобурун кэпсээн, араас сүбэлэри биэрэн көрсүһүү олус истиҥник уонна сылаас эйгэлээхтик ааста.
Көрсүһүү кэнниттэн дьоллоох дьиэ кэргэҥҥэ эрэ доруобай, сахалыы эйгэлээх, толкуйдаах оҕо иитиллэн тахсар диэн санааҕа кэллилэр.
Мира Афанасьева
Балаҕан ыйын 8 күнэ. Ил Дархан өрөспүүбүлүкэ олохтоохторун Арассыыйа норуоттарын тылларын күнүнэн эҕэрдэлээтэ. «Төрөөбүт тылларбытын…
Сунтаар улууһун олохтооҕо хат итирик туруктаах массыынаҕа олорон сууттанна. Бу туһунан СӨ Борокуратуурата иһитиннэрдэ. Ол…
Мэҥэ Хаҥалас улууһун кыһалҕатын уонна кэскилин туһунан "Саха сирэ - Дьоруойдар сирдэрэ" бырагыраама кыттыылаахтара биллилэр.…
Кэнники сылларга Дьокуускай куоракка араас кыылы-сүөлү, хара, кыһыл саһыллары, тыҥырахтаах көтөрү, тииҥи көрбүттэрин, ааҕааччыларбыт хаартыскалаан…
Арассыыйаҕа сылын ахсын ыытыллар «Мисс Россия 2025» куонкуруска 90 тыһыынчаттан тахса сайаапка киирбит диэн ТАСС…
Нам улууһугар хортуоппуй уонна оҕуруот аһын үүннэриитинэн дьарыктанар бааһынай хаһаайыстыбаларга уонна производственнай кооперативтарга билигин саамай…