Хаартысканы Тускулаана тиксэрдэ.
Балаҕан ыйын 21 күнэ — Сунтаар улууһун күнэ. Бу өрөгөй күнү көрсө Сунтаар сэлиэнньэтигэр мохсуо бырахсыы, о.э. кыраккыы оонньуута тэрилиннэ. Ким Павлов дьиэтин аттыгар кыраккыы, мохсуо бырахсыы тэриллибитэ алтыс сылыгар барда. Бу да сырыыга эпчиргэ маһынан таба быраҕыы өрө тутуллан, бу оонньуу таптааччыларын түмтэ.
Сунтаар улууһун көрсө мохсуо бырахсыы күрэһигэр 14 киһи кытынна. Уһун Күөлгэ Кирилл Павлов кэрэ аҥаардары эрчийтэлээн, алтыа буолан киирэн: «Кыргыттарым бэркэ оонньуулар, саҥа оонньооччум сүүрбэни бырахта», — диэн үөрэр.
Кимэ дьиэтэ федеральнай суол кытыытыгар турар буолан үгүс киһи ааһан иһэн тохтоон көрөр. Хааман да иһээччи халты ааспат. Бэл, диэтэр Эбээн Бытантайтан Юрий Куприянов оҕолоругар ыалдьыттыы кэлэ сылдьан умсугуйан көрө кэлбитин билистим.
Михаил Кириллин бу оонньууга — өрөспүүбүлүкэ чөмпүйүөнэ. Мохсуо бырахсыыны Сунтаарга тилиннэрбит Люция Егоровна Ивановалыын кини буолаллар.
Күрэс кыайыылаахтара: дьахталларга 55 саастарыгар диэри — 1 миэстэ Татьяна Григорьева, 2 миэстэ Тускулаана Горохова-Кобельянова, 3 миэстэ Варвара Иванова; 55 үөһэ саастаахтарга — 1 миэстэ Надежда Павлова, 2 миэстэ Хотойук Тайыына Үрүҥ Сиэл Кыыһа, 3 миэстэ Мария Васильева. Эр дьоҥҥо 70 саастарыгар диэри — 1 миэстэ Кирилл Павлов,
2 миэстэ Владимир Спиридонов, 3 миэстэ Анатолий Григорьев; 70 үөһэ саастаахтарга — 1 миэстэ Михаил Кириллин, 2 миэстэ Василий Спиридонов, 3 миэстэ Револий Павлов.
Мин да бу оонньууга бастакыбын холонон, эпчиргэ маһынан мохсуо быраҕан иккис үрдэли ситиһэн кыайыы өрөгөйүн биллим.
Тускулаана ГОРОХОВА-КОБЕЛЬЯНОВА.
Соторутааҕыта Мэҥэ Хаҥалас улууһугар Төҥүлү нэһилиэгэр “Нөмүгү“ сайылыгар уонтан тахса сыл олохсуйан олорор Николай Баишев-Бойцов…
Быйыл Ньурбатааҕы судаарыстыбаннай көһө сылдьар драматическай тыйаатыр бастакы дириэктэрэ, Саха АССР үтүөлээх артыыһа Александр Алексеевич…
Өймөкөөн улууһугар уһун кэмнээх ардахтартан сорох нэһилиэнньэлээх пууннар ууга барбыттарынан сибээстээн, балаҕан ыйын саҥатыгар Өймөкөөн,…
Бүгүн, балаҕан ыйын 19 күнүгэр, Ил Дархан Айсен Николаев Орто Халыма куоратыгар үлэлээтэ. “Орто Халыма…
Синоптиктар бэлиэтииллэринэн, балаҕан ыйын 20 күнүгэр киин улуустарга -3...-8 кыраадыска диэри тымныйыан сөп. Дьокуускайга түүн …
Дьокуускай куоракка уулуссалар ааттарын, дьиэлэр нүөмэрдэрин бэрэдээктээһин ыытыллар буолбута көстөр. Ол курдук, соторутааҕыта Ленин проспегар…