Сунтаар оҕолоро историческай суолталаах экспедицияҕа кытыннылар
![](https://sakha-sire.ru/wp-content/uploads/2023/11/img_20231111_194559_267-1060x596.jpg)
Сунтаардааҕы гимназия 9-с кылааһын үөрэнээччилэрэ Аҕа дойду сэриитигэр Ильмень күөл кыргыһыытыгар былдьаммыт саллааттар кырамталарын, туттубут малларын көрдүүр экспедицияҕа кытыннылар.
Историяҕа суолталаах сырыы үтүө түмүктээх буолла. Ол курдук, «Сонор» көрдүүр-чинчийэр этэрээт Старай Руссаҕа тиийэн 62 сураҕа суох сүппүт саллааттар кырамталарын буллулар.
Ильмень күөлүгэр 19-с хайыһар биригээдэтиттэн барыта 600 саха саллаата олохторун толук уурбуттара. Ол иһигэр 75-һэ Сунтаар буойуттара. Кинилэр кырамталара хайаан да булуллан, Ийэ буордарыгар хараллаллара наадалаах. Маннык көдьүүстээх үлэ барарыгар улуус дьаһалтата өйөөн, үбүлээһинигэр улахан көмөнү оҥордо.
![](https://sakha-sire.ru/wp-content/uploads/2023/11/img_20231111_194559_267.jpg)
![](https://sakha-sire.ru/wp-content/uploads/2023/11/img_20231111_194559_080.jpg)
![](https://sakha-sire.ru/wp-content/uploads/2023/11/img_20231111_194559_297.jpg)
![](https://sakha-sire.ru/wp-content/uploads/2023/11/img_20231111_194558_586.jpg)
![](https://sakha-sire.ru/wp-content/uploads/2023/11/img_20231111_194558_846.jpg)
Кулун тутарга, чуолаан сахалар охтубут сирдэригэр көрдүүр үлэ ыытыллара былааннанар. Тэрийээччилэр биһиги оҕолорбутун үлэһиттэрин, сэмэйдэрин, дьоһуннаахтарын сөбүлээн, ыҥырыы ыыттылар. Онон айанныырга, салгыы үлэлэһэргэ бэлэмнэнэллэр.
@suntaar_ulus
Сообщить об опечатке
Текст, который будет отправлен нашим редакторам: