Хаартысканы Марта Николаева тиксэрдэ
Тохсунньу 25 күнүгэр Арчы дьиэтигэр өрөбүллээҕи Оһуокайбыт буолла. Бүгүҥҥү алгыстаах Оһуокай Сунтаар улууһугар ананна.
Сунтаар улууһун Оһуокай түмсүүтүн салайааччыта, улуус култуураҕа уонна духуобунаска салаатын начаалынньыга Саргылаана Дмитриевна Омукова салайааччылаах үҥкүү тылын этээччилэр кэлэн киэҥ түһүлгэни төрүттээтилэр. Оруобуна 2 чаастан көмүлүөк аал уотун оттон алгысчыт, Дархан этээччи Евсеев Михаил Михайлович-Кураһаай Мэхээлэ алгыһынан тэрээһиммит саҕаланна. Арчы дьиэтэ элбэх дьонунан туолла, киһи тобус толорутуттан, мин тэрээһини ыытааччы сөҕөн, киэн тутуннум. Кэнники биэс сылга маннык элбэх киһи Арчыга тоҕуоруспутун билбэтим. Биир дойдулаахтар ахтыспыттара эбит. Сунтаардар биллэр Дархан этээччилэрэ Кураһаай Мэхээлэ, Лариса Иванова, Светлана Зедгенидзева, о.д.а. этээччилэр түһүлгэлэрэ үс хос буолла. Быыһа суох Оһуокай түһүлгэтиттэн да дьон тохтообокко, утуу-субуу барааччы. Киэһэ 5 аҥаарга диэри алгыстаах Оһуокай тохтообото. Быйыл Арассыыйаҕа Норуоттар сомоҕолоһуулара, Саха сиригэр Култуура сылыгар Оһуокай түмсүүтүн өрөбүллээҕи Оһуокайыгар алгыс куйаарга дуорайда, кэрэ олоҕу ыралаатылар, улуу Сибиэрэпкэ сүгүрүйдүлэр. Улуу этээччибит Сэргэй Сибиэрэп утума уостубакка салҕанан бардын диэн Аар Дархан этээччибит Осипов Егор Михайлович киэҥ түһүлгэтигэр алҕаан эттэ.
Сунтаар улууһун култуураҕа уонна духуобунаска салаатын начаалынньыга Саргылаана Дмитриевна улуу киһибит Сэргэй Сибиэрэп 125 сыллаах үбүлүөйдээх мэтээлин Аар Дархан этээччигэ Е.М.Осиповка, Дархан этээччилэр Марта Николаеваҕа, Светлана Зедгенидзеваҕа, Валентин Хоруновка, Лариса Ивановаҕа-Уйгулаах Күбэйэҕэ, үтүөлээх этээччилэр Каджана Евсееваҕа, Антонина Алексееваҕа туттарда.
Куоракка олорор ырыаһыттарбыт Розалия Гуляева, Евгения Игнатьева, о.да эҕэрдэлээтилэр.
Сунтаар улууһун Оһуокайын түмсүүтүн салайааччытыгар, үтүөлээх этээччи, Сунтаар улууһун култуураҕа уонна духуобунаска управлениетын начаалынньыгар Саргылаана Дмитриевна Омуковаҕа Оһуокай түмсүүтүн аатыттан бар дьону, норуот үөрүүтүн сахпытыгар махтанабыт! Оһуокайбыт мэлдьи маннык элбэх дьону түмэ турдун.
Марта Николаева
600-тэн тахса киһи олорор Мытаах нэһилиэгэр “Аартык”, “Дүөдэ”, “Дьөлөккөн” түөлбэлэр бааллар. Күннэтэ олохпут уларыйар, сайдар…
Дьокуускай куорат 13 нүөмэрдээх оскуолатыгар Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларын…
2025 сыллаахха олунньу саҥатыгар СӨ бырабыыталыстыбата өрөспүүбүлүкэҕэ 2030 сылга диэри туризмы сайыннарыы стратегиятын бигэргэппитэ. …
Үөһээ Бүлүү улууһун Өргүөт нэһилиэгин олохтоохторо байыаннай дьайыыга сылдьар хорсун буойуттарын өйүүллэр, кинилэр үтүө көмөлөрө…
Билии чыпчаалын баһылаабыттар ааттара билиннэ. "Кубок знатоков наслега" түмүктэннэ! Бу туһунан биһиэхэ Өспөхтөн бибилэтиэкэр Сайыына …
Кириһиэнньэ тымныылара ааһан, күн уһаабыта биллэн эрэр. Мантан ыла сылыйан, сырдаан, саас диэки чугаһаан иһиэхпит.…