Авиалесоохрана Сунтаардааҕы авиа-салаатыгар быйыл парашютнай бөлөх тэриллиэҕэ. Өскөтүн бу иннинэ десантник-баһаарынайдардаах буоллахтарына, быйылгыттан парашютист-баһаарынайдар баар буолуохтара. Ол туһунан өрөспүүбүлүкэ вице-премьерэ Дмитрий Садовников иһитиннэрдэ.
Кинилэр тэйиччи сытар сирдэргэ ойуур баһаардарын умулларыахтара. Статистика көрдөрөрүнэн, Саха сиригэр умайыы киһи тиийбэт ойуурдарыгар уонна хайалаах сирдэргэ тахсааччы.
“Биһиги өрөспүүбүлүкэтээҕи Авиалесоохрана кыаҕын күүһүрдүөхпүт. Быйыл Сунтаардааҕы авиа-салааҕа саҥа бөлөх тэриллиэҕэ. Былырыын күһүн бэлэмнэнии бастакы кууруһун 10 киһи ааспыта. Онон кинилэр баһаартан кутталлаах сезоҥҥа бэлэмнэр”, — диэтэ Садовников.
Сунтаардааҕы салааҕа 21 умулларааччы баар. Былырыыҥҥы сезоҥҥа кинилэр десантник-баһаарынай этилэр, салгын суудунатыттан ойуур баһаара турар сиригэр түһэллэрэ. Былырыын күһүн 10 киһи үөрэнэн, парашюттаах ыстанар буоллулар. 9 үлэһити быстах үлэҕэ ылбыттара. Онон быйыл 30 киһи үлэлиэҕэ.
Экологияҕа, айылҕаны туһаныыга уонна ойуур хаһаайыстыбатыгар миниистирин солбуйааччы Евгений Перфильев этэринэн, маннык кууруска 20 десантник үөрэммит. Ол курдук, Бүлүүттэн, Сунтаартан, Мииринэйтэн, Амматтан, Бэрдьигэстээхтэн, Покровскайтан, Хаандыгаттан.
Парашют уонна десантнай бөлөх инструктордарын састаабын кууруһугар 25 киһи дьарыктаммыт. Ону тэҥэ федеральнай “Авиалесоохрана” үөрэтэр киинигэр 9 киһини лүөччүк-кэтээн көрөөччү үөрэҕэр ыыппыттар.
Былырыын өрөспүүбүлүкэ баһылыгын Айсен Николаев быһаарыытынан, өрөспүүбүлүкэтээҕи Авиалесоохрана парашютнай-баһаарынай-десантнай бөлөҕүн ахсаана 184 киһинэн элбээбит. 2021 сылга 221 үлэһит буоллаҕына, 2022 сылга – 555.
Кинилэртэн 283 киһи десантник, 122 – парашютсит-десантник, оттон 150 киһини быстах үлэҕэ ылбыттар.
Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата
Хаартыска: тустаах саайтан
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…