Сунтаар сэлиэнньэтин аннынан Бүлүү эбэ эһиннэ

Бэҕэһээ, ыам ыйын 10 күнүгэр, түөрт хонугунан эрдэлээн Сунтаар таһыгар Бүлүү өрүс эһиннэ. Бу туһунан өрөспүүбүлүкэ суһал ыстааба иһитиннэрэр.

Билигин Мииринэй уонна Сунтаар сирдэригэр муус күүскэ барар. 174 км усталаах.
Чугастааҕы сууккаҕа Үөһээ Бүлүүгэ муус хамсыаҕа. Ньурба уонна Бүлүү куораттарыгар ыам ыйын 11-13 күннэригэр эстэрэ күүтүллэр.
Өлүөнэҕэ Ленскэй оройуонугар муус барар.
Киин оройуоннарга Өлүөнэ өрүскэ уу таһымын үрдээһинэ 0,3-0,4 м тэҥнэһэр.
Өлүөхүмэ куоратын таһыгар өрүс эстиитэ күүтүллэр.
Алдан өрүскэ муус барыытын икки учаастага холбостулар. Онон Томпо уонна Алдан оройуоннарын сиринэн ааһар. Чугастааҕы сууккаҕа муус устуута Уус Алдан оройуонун кыраныыссатыгар тиийиэҕэ.
Амма өрүскэ муус Амма, Чурапчы,  Таатта улуустарынан барар. Ыам ыйын 10 күнүгэр Амма өрүс Таатта улууһугар Харбалаах гидропоһугар эһиннэ. Үс хонук эрдэлээтэ.
Дьааҥы өрүскэ Дьааҥы-Баатаҕай учаастагар уу таһыма 0,6-1,0 м тэҥнэһэр.
Индигииргэ Уус Ньара-Xонуу учаастагар муус үрдүгэр уу таҕыста.
Халыма өрүскэ Зырянка бөһүөлэгин анныгар уу таһыма сууккаҕа эбиллиитэ 12 см тэҥнэһэр.

Саха Өрөспүүбүлүкэтин Ил Дарханын уонна Саха Өрөспүүбүлүкэтин Бырабыыталыстыбатын пресс-сулууспата