Сунтаар улууһугар өлөрүүгэ буруйданар киһи хаайылынна

Ньурба улуустар икки ардыларынааҕы силиэстийэлиир отдела 70 саастаах эр киһиэхэ холуобунай дьыаланы тэрийдэ.

Кини РФ Холуобнай кодексын 105 ыст. 1 ч. (өлөрүү) көрүллүбүт буруйу оҥорууга буруйданар.

Силиэстийэ быһаарбытынан, 2025 сыл бэс ыйын 23 күнүгэр Сунтаар сэлиэнньэтин Партизанскай уулуссатыгар турар дьиэҕэ буруйданааччы уонна онно баар эр киһи итирдэр утахтары испиттэр, ол олорон туохтан эрэ сылтаан иирсибиттэр. Буруйданааччы итирик туруктаах сылдьан, быһаҕынан өстүйбүт киһитин моонньугар саайбыт. Бу ылбыт бааһырыытыттан эмсэҕэлээччи быһылаан буолбут сиригэр өлбүт.

Суут буруйданар киһиэхэ хаайар миэрэни талла.  Холуобунай дьыаланан силиэстийэлиир үлэлэр ыытылла тураллар, диэн иһитиннэрэр Саха сиринээҕи силиэстийэлиир кэмитиэт тг-ханаала.