Сунтаар улууһугар өссө биир уһуйаан үлэҕэ киирдэ
Күндэйэҕэ тыа сирин кэлимник сайыннарыы федеральнай тосхолунан саҥа уһуйаан үлэҕэ киирдэ.
Үөрүүлээх тэрээһиҥҥэ Саха сирин бырабыыталыстыбатын бэрэссэдээтэлин солбуйааччы Михаил Никифоров, Ил Түмэн дьокутаата Андрей Николаев, Тыа хаһаайыстыбатын министирин солбуйааччы Прокопий Николаев уонна Сунтаар улууһун Аҕа баһылыга Анатолий Григорьев кыттыыны ыллылар.
Аныгы ирдэбилгэ толору эппиэттиир 50 миэстэлээх таас эбийиэги Анатолий Исаев салайааччылаах «Главстройкомплекс» тэрилтэ тутан, бириэмэтигэр бүтэрдэ.
Биир сыл иһигэр түргэн болдьоҕунан тутуллубут тупсаҕай уһуйаан тутуутун хаачыстыбата тута харахха быраҕыллар. Сып-сылаас, сып-сырдык саҥа дьиэҕэ кырачааннар үөрэ-көтө дьарыктаныахтара. Бырайыага, көстүүтэ олус табыгастаах, дьэрэкээн уруһуйдарынан киэргэтиллибит, миэбэлэрэ, оборудованиелара барыта саҥалар.
Үчүгэйэ диэн бу бырагыраама чэрчитинэн ууну кутар бодобуоһу кытта ааҕан икки Камаз массыыналар кэллилэр. Санатан этэр буоллахха, бу нэһилиэккэ социальнай эбийиэктэр барыта саҥа тутуулар.
Сунтаар улууһун дьаһалтатын пресс-сулууспата
Сообщить об опечатке
Текст, который будет отправлен нашим редакторам: