Сунтаар улууһугар Георгий Степанов салайааччылаах оробуочай бөлөх үлэлиир

Бүгүҥҥүттэн Сунтаар улууһугар бырабыыталыстыба  бэрэссэдээтэлин солбуйааччы Георгий Степанов салайааччылаах ситэриилээх былаас ааспыт сыллааҕы үлэтин отчуота саҕаланар.

Түөрт бөлөҕүнэн нэдиэлэ устата бары нэһилиэктэри хабан үлэлиэхтэрэ.

Күн бүгүн отчуот  Туойдаах, Хадан, Толоон, Күүкэй, Хоро, Элгээйи нэһилиэктэригэр буолуоҕа.

Георгий Степанов Ньургун Григорьев сырдык кэриэһигэр ыытыллар буулдьанан ытыы күрэҕэр  кыттыыны ылла.

Георгий Степанов: «Байыаннай дьайыыга сырдык олохторун толук уурбут байыастарбытын, кинилэр Дьоруойдуу быһыыларын умнуо суохтаахпыт».