Сунтаар улууһугар уот арахсарын туһунан сурах кырдьык дуо?

Социальнай ситимнэргэ Сунтаар улууһугар уот ситимигэр улахан саахал тахсыбытын туһунан сурах тарҕанна. 

Сунтаар улууһун суһал ыстаабыгар эрийбиппитигэр,  «Якутскэнерго»хампаанньа арҕаа улуустар уоттарын ситимин салайааччыта Юрий Кимович Григорьевтыын билис диэтилэр. Юрий Кимовичка сибээскэ тахсан ыйыталаспыппар, «Биһиэхэ ханнык даҕаны саахал буолбата. Уоту биэрэ олоробут», — диэн хоруйдаата.