Сунтаар улууһун дэлэгээссийэтэ байыастары көрүстэ

Сунтаар улууһун дэлэгээссийэтэ анал байыаннай дьайыыга байыастары көрсө Луганскай норуодунай Өрөспүүбүлүкэ территориятыгар тиийдилэр уонна салгыы Курскайга сырыттылар.

Бу туһунан Сунтаар улууһун дьаһалтатын пресс-сулууспата иһитиннэрэр. Луганскай норуодунай Өрөспүүбүлүкэҕэ бэйэлэрин баҕа өттүнэн дойду көмүскэлигэр туруммут «Боотур» этэрээт байыастарын көрүстүлэр, 10 киһиэхэ гуманитарнай көмөнү туттардылар. Оттон Курскайга эбии түөрт уолу көрүстүлэр, көмөнү биэрдилэр.

Уолаттар бэйэ дьонун көрсөн, кэһии тутан үөрүүлэрэ үгүс. Кинилэр ханна, туох сорудахха сылдьалларын туһунан кэпсээтилэр. Сулууспа этэҥҥэ баран иһэрин, кыайыыга эрэллээхтэрин эттилэр.