Хаартыска: Арассыыйа МУ ИДьМ “Саха сиринээҕи” пресс-сулууспата.
Саха сиринээҕи РФ Силиэстийэлиир кэмитиэтин Ньурбатааҕы улуустар икки ардыларынааҕы силиэстийэлиир отдела хомуйбут дакаастабылларынан 53 саастаах эр киһиэхэ РФ ХК 105 ыстатыйатын 1 чааһынан (өлөрүү) буруйу оҥорбута биллэн, бириигибэрэ таһаарылынна.
Силиэстийэ уонна суут быһаарбыттарынан, сууттанааччы 2025 сыл ахсынньы 3 күнүн түүнүгэр билэр киһитин кытта кини кыбартыыратыгар олорон арыгы испиттэр итиэннэ урукку өстүйүүтэ тиллэн, эмсэҕэлээччини моонньугар уонна санныгар хаста да быһаҕынан анньыбыт. Ылбыт эчэйиититтэн сылтаан эр киһи өлбүт, оттон сууттанааччы куотан хаалбыт.
Эмсэҕэлээбит киһи сүтэн хаалбытын туһунан иһитиннэрии нэһилиэк баһылыгар тиийбит, кини участковай боломуочуйалаах полиция үлэһитин кытта сүппүт киһи дьиэтигэр тиийэннэр, өлүгү булбуттара.
Өлөрүүгэ кыттыгастаах киһи кимин-тугун түргэнник быһаарбыттар. Силиэстийэ кэмигэр быһылаан хайдах буолбута билиннэ, сууттанааччы буруйун бигэргэтэр дакаастабыллара ситэри хомулуннулар.
Присяжнай сэтээтэллэр бириигэбэрдэригэр олоҕуран уонна судаарыстыбаннай буруйдааччылар этиилэрин учуоттаан, эр киһи буруйдааҕынан быһаарылынна уонна тоҕус сыл кытаанах эрэһиимнээх көннөрүнэр холуонньаҕа буруйун боруостуу барар буолла. Бу туһунан Саха сиринээҕи Силиэстийэлиир кэмитиэт тг-ханаала иһитиннэрэр.
Erid: 2SDnjcCD1MH Новогодняя акция для рекламодателей: скидка 50% и удвоение срока размещения! Начните новый год…
Саҥа дьиэни тутталларыгар элбэх сиэри-туому тутуһаллара. Улахан суол аартыктарыгар, суол тоҕойдоругар, тумуһах, тумул сирдэргэ дьиэни…
Биэнсийэ пуондатын аатыттан түөкүттэр 2016-2018 сыллардааҕы биэнсийэҕитин хаттаан аахпыттар диэн үһүйээни толкуйдаан, биэнсийэлээх дьоҥҥо эрийтэлээн…
Нерюнгри оройуонугар байыаннай дьайыы кыттыылаахтарын уонна кинилэр дьиэ кэргэттэрин өйүүр доброволецтар "Бары бииргэ Кыайыыга!" өрөспүүбүлүкэтээҕи…
Бу күннэргэ СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтин чат-ботугар Дьокуускай куорат Таалай күөлүгэр…
Саха сиригэр кэнники биэс сылга регистрацияламмыт бэйэлэрэ дьарыктаах дьон ахсаана 25 төгүл элбээбит, 69,4 тыһ.…