Сунтаар уола РФ Оборуонатын министиэристибэтин мэтээлинэн наҕараадаланна

Арассыыйа тааҥкаларын утарсааччы дроннартан көмүскүүр соругу толорбутунан, хорсун быһыытын иһин бу сыл кулун тутар ый бүтүүтэ Айаал Н. РФ Оборуонатын министиэристибэтин «Байыаннай килбиэнин иһин» II истиэпэннээх мэтээлинэн наҕараадаланна.

Бу туһунан «Якутскэнерго» АУо Арҕаа электрическай ситимнэрин пресс-сулууспата суруйар. Кини «Якутскэнерго» үлэһитэ, байыаннай дьайыы сиригэр сулууспалыыр.

Айаал Н. Сунтаардааҕы «Якутскэнерго» хампаанньаҕа электромонтерунан үлэлии сылдьан, былырыын сэтинньигэ байыаннай дьайыы зонатыгар сулууспалыы барбыт. Бу соругу толоро сылдьан Айаал Н. бааһырбыт, сүрүн охсуу кааскатыгар уонна бронежилетка түбэспит буолан, байыаннай дьайыы зонатыгар төннөн, күн бүгүн сулууспалыы сылдьар диэн иһитиннэрэллэр.