Сунтаар уолаттарыгар көмө оҥоһулунна

Сунтаар уолаттарыгар көмө оҥоһулунна диэн бэҕэһээ улуус биир көхтөөх ыччата Илья Иванов sakha-sire.ru саайтка иһитиннэрдэ.

— Массыына саппаас чааһын атыылыыр «АВТОРИТЕТ» маҕаһыын, «KeSkill» (Мииринэй), ИП Ващенко, Геннадий Ананьев (Кириэстээх), Иван Кондратьев (Элгээйи), Петровтар дьиэ кэргэн (Маар Күөл), Екатерина Петровна Иванова-Дойдууна (Москва) көмөлөрүнэн байыаннай дьайыыга сылдьар уолаттарбытыгар көмө оҥордубут. Уолаттарбытыгар этэҥҥэ,  сэрэхтээхтик  сырыттыннар диэн квадрокоптеры, хараҥаҕа көрөр бинокулу, саха быһахтарын, ис-тас таҥастары, эмп арааһын, бурдук, эт аһылыгы, о.д.а. маллары туттардыбыт. Уолаттар үөрүүлэрэ үгүс, көмө буолбут биир дойдулаахтарыгар улахан истиҥ махтал тириэрдэллэр! — диэн Илья кэпсээтэ.