Сунтаар — Устье хайысханан Бүлүү өрүһү туорааһын көҥүллэниэҕэ

Сунтаар — Устье хайысханан Бүлүү өрүһү туорааһын 3 туоннаҕа диэри уйуктаах массыыналарга сарсын, сэтинньи 21 күнүттэн көҥүллэниэҕэ. Бу туһунан Сунтаар улууһун дьаһалтата иһитиннэрдэ. 

Сунтаар — Устье — Сунтаар хайысханан  кыһыҥҥы суол сырыытын саҕалыырга сөптөөх усулуобуйа оҥоһулунна. «ИП Кузьмин» тэрилтэтэ ый устата мууһу халыҥатан, сарсыҥҥыттан 3 туоннаҕа диэри  уйуктаах тиэхиньикэлэргэ  өрүһү туоруулларыгар көҥүллэниэҕэ. Оттон Туойдаах өттүгэр бу күннэргэ эмиэ мууһу халыҥатыы үлэтэ ыытыллыаҕа.

Үгүс дьон Кириэстээх — Миирнэй суола хаһан арылларын туоһулаһар. Ол туһунан улуус баһылыгын 1-кы солбуйааччыта Николай Александров иһитиннэриитин истиҥ:

Суолу оҥорууга көмөлөспүт, өйөбүл буолбут «ИП Кардашевскай», ЖКС, «Сунтаарцеолит», «Айан суол» тэрилтэлэригэр уонна Устье нэһилиэгин дьаһалтатыгар махтанабыт диэн улуус дьаһалтата иһитиннэрдэ.