Сунтаарга тохсунньу 23 күнүгэр улуус дьаһалтатын аактабай саалатыгар аан дойду уонна Арассыыйатааҕы таһымнаах куонкурустар, научнай-практическай конференциялар, күрэхтэр кыайыылахтарын кытары улуус Аҕа баһылыга Анатолий Григорьев көрсүһүүтэ буолла.
Уопсайа алын сүһүөх 22 үөрэнээччитэ кыттыыны ылла. Оҕолор бары үөрэх туйгуннара, спортсменнар, араас куонкурустар кыайыылаахтара.
Тэрээһини төрдүс кылаас үөрэнээччитэ Поскачина Найыына хомус дьүрүскэн тыаһынан арыйда. Ол кэннэ улуус Аҕа баһылыга Анатолий Григорьев уонна үөрэҕирии салаатын начальнига Альберт Иванов эҕэрдэ тылларын эттилэр. Инники кэскиллэригэр уонна кинилэр учууталларыгар ону кытта төрөппүттэригэр улахан махталларын биллэрдилэр.
Салҕыы үөрүүлээх быһыыга-майгыга наҕараадалааһын буолла. Хас биирдии оҕоҕо грамота, бэлэх туттардылар. Үөрэнээччилэр Аҕа баһылыкка оскуолаларын, дьарыктарын туһунан кэпсээтилэр, ыйытыктарын биэрдилэр, аҕа дьон сүбэтин иһиттилэр. Анатолий Григорьев оҕолор долгутуулаах ыйытыктарын сөҕө иһиттэ. Холобур, Устье, Кириэстээх нэһилиэктэр аннынан Бүлүү өрүһү туоруур муоста тутуута, бэйдиэ сылдьар ыттарга хайдах дьаһал ылыахха сөбүн туһунан, оскуола тутуутун, баһылык оҕо сылдьан туох идэлээх киһи буолуон баҕарарын, тугунан ордук сөбүлээн дьарыктанарын интэриэһиргээн ыйыттылар.
Биир уолчаан саас үчүгэйдик үөрэнэр уолаттар кустуу баралларыгар көҥүллүөххүтүн сөп дуо диэн олус интэриэһинэй ыйытыы-көрдөөһүүнү биэрдэ. Онуоха, Анатолий Григорьев бу боппуруоһу төрөппүттэр бэйэлэрэ быһааралларын итиэннэ кини бэйэтэ уолун учууталлартан көҥүллэтэн саас куска кыаллар буоллаҕына илдьэ бара сатыырын туһунан эттэ.
Түмүккэ төрдүс кылаас үөрэнэччитэ Тен Алгыстаан «Сахам ата» ырыатын бэлэх уунна.
Сылын аайы ыытыллар улуус баһылыгын кытары көрсүһүү үөрэх туйгуннарын, куонкурустар кыайыылаахтарын, бастыҥ спорстменнары, көхтөөх үөрэнээччилэри өссө үрдүк ситииһиилэргэ кынаттыыр, сирдиир сыаллаах буолар. Ити курдук, оҕолор улуус баһылыгын кытары көрсүһүүгэ сылдьан, санаа атастаһан, үөрэн-көтөн тарҕастылар.
Ааспыт өрөбүллэргэ Росгвардия үлэһиттэрэ Саха сиригэр ирдэбилгэ сылдьар үс киһини туттулар. Икки киһи байыаннай борокуратуура…
Донецкай норуодунай өрөспүүбүлүкэ Еленовка бөһүөлэгэр Култуура дьиэтин үөрүүлээх аһыллыыта буолла. Манна Саха сирин артыыстара кыттыыны…
Суолу баттаһа оттугунан-уматыгынан хааччылыы хоту улуустарга тыын боппуруоһунан буолар. Аллайыаха улууһун Быйаҥныыр нэһилиэгэр хомунаалынай хаһаайыстыбаҕа…
Дьокуускайга ыам ыйын 10 күнүгэр элбэх кыбартыыралаах дьиэ тохсус этээһиттэн түөрт саастаах уол оҕо сууллубута.…
СӨ экологияҕа министиэристибэтэ Дьааҥы улууһугар ойуур баһаардарыттан уустук балаһыанньа буолбутунан сибээстээн, булт сезонун тохтотор туһунан…
Өлүөнэ өрүс мууһун алын кирбиитэ Ленскэй куораттан 10 км аллараа устар, үрдүкү кирбиитэ Ленскэй оройуон…