Хаартыска: Сунтаар улууһун дьаһалтатын пресс-сулууспата
Сунтаар улууһун бочуоттаах олохтооҕо, Аҕа дойду Улуу сэриитин бэтэрээнэ Мартын Герасимович Григорьев 100 сааһын туолар үөрүүлээх күнүгэр улуус баһылыга Анатолий Григорьев ыалдьыттаан эҕэрдэлээтэ. Кини улуус бар дьонун аатыттан ытык кырдьаҕаска дириҥ ытыктабылын, муҥура суох махталын биллэрэн, истиҥ эҕэрдэтин тиэртэ.
Бу туһунан Сунтаар улууһун дьаһалтатын пресс-сулууспата иһитиннэрэр.
Ытык кырдьаҕас Ийэ дойдуга бэриниилээх сыһыанын, кыргыс толоонугар хорсун быһыытын көрдөрөн, эдэр көлүөнэҕэ үтүө холобур буолар дьоһун-мааны киһи. Кини 1943 сыллаахха, 18 саастааҕар, Кыһыл Аармыйа кэккэтигэр ыҥырыллан, Японияны утары сэриигэ кыттыбыта.
От ыйын 25 күнүгэр үйэ саастаах бэтэрээн чугас дьонун, оҕолорун, сиэннэрин ортолоругар үөрүүлээх быһыыга-майгыга үбүлүөйүн бэлиэтээтэ. СӨ Бырабыыталыстыбатын бэрэссэдээтэлин солбуйааччы Георгий Степанов Ил Дархан аатыттан «Үйэ саас» ытык бэлиэни туттарда. Ону таһынан, Кутана нэһилиэгин баһылыга Николай Давыдов уонна үйэ саастаах кырдьаҕас чугас доҕоро, 101 саастаах Наум Трифонович Слепцов эҕэрдэлээтилэр.
Чугастааҕы сууккаҕа, ахсынньы 17-18 күннэригэр, өрөспүүбүлүкэ хоту өттүгэр кыралаан, сорох сиринэн хойуутук хаар түһэрэ күүтүллэр.…
Ахсынньы 15 күнүгэр, киэһэ алта чаас кэннэ, Дьокуускай куорат Л. Чайкина уулуссатыгар турар чааһынай гарааска…
СӨ Ил Дархана Айсен Николаев ахсынньы 15 күнүгэр «Өлүөнэтээҕи холбоһуктаах өрүс пароходствота» АУо 2025 сыллааҕы…
Бүгүн, ахсынньы 16 күнүгэр, киин куорат уокуруктарынан уонна сорох улуустарынан быстах кэмҥэ өрөмүөн үлэтинэн сибээстээн,…
Өрөспүүбүлүкэ борокуруора Сергей Дябкин СӨ Бэтэринээрийэ департаменын урукку салайааччытыгар тэриллибит холуобунай дьыаланан буруйдуур түмүгү бигэргэттэ.…
Ааспыт өрөбүл күннэргэ Дьокуускайга эчэйиитэ суох 15 суол быһылаана бэлиэтэннэ. Бу туһунан киин куорат ГАИ…