Сунтаардааҕы норуот тыйаатырын драматын Юлия Пересильд үрдүктүк сыаналаата

Сунтаардааҕы норуот тыйаатырыгар үөрүүлээх түгэн. Ол курдук, Арассыыйа таһымнаах «Полюс, золотой сезон» диэн театральнай күрэскэ профессиональнай театрдар ортолоругар аныгы көрүүнэн туруоруллубут «Таптал» драма 8  иһигэр  киирдэ

Күрэскэ барыта 37 сайаапка киирбититтэн экспертэр анал бириистэрин ылыы диэн үрдүк ситиһии. Манна Роман Должанскай, Юлия Пересильд курдук уопуттаах театральнай кириитиктэр сыаналаатылар. Драмаҕа үгүстэрэ аан бастакытын испэктээккэоонньуур эдэр дьон. Онон үрдүк ситиһии соһуччу уонна үөрүүлээх түгэнинэн буолла. Театрдар аны сайын Магадаҥҥа театральнай фестивальга кыттыыны ылар путевканы туттулар.

Театральнай искусствоҕа аныгы көрүүлээх эдэр режиссер Динислам Тууйас философскай хабааннаах драмалары, трагедиялары туруорарын ордорор. Урукку уонна билиҥҥи кэм сабыдыалларын холбуу тутан айан таһаарбыт айымньылара дьон сэҥээриитин ылар. Бу соторутааҕыта эмиэ Алампа «Олох дьэбэрэтэ» айымньытын туруоран Үөһээ Бүлүүгэ тиийэ гастроллаан, көрөөччүлэргэ интэриэһинэй уонна умнуллубат түгэни бэлэхтээтилэр.

@suntaar_ulus