Сунтаардар байыаннай дьайыыга сылдьар биир дойдулаахтарын дьонноругар күүс-көмө буолаллар

Сунтаар улууһун  олохтоохторо  байыаннай дьайыыга сылдьар биир дойдулаахтарын чугас дьонноругар куруук күүс-көмө буолаллар.

Бу күннэргэ  Куокунуга олохтоох дьаһалта, оскуола уонна  ОДьКХ  эр дьоно байыаннай дьайыыга сылдьар  уолаттар  дьонноругар уонна аҕам саастаахтарга, уопсайа  уонтан  тахса ыалга муус тиэйдилэр.

Оттон Күндэйэ дьаһалтата  байыаннай дьайыыга сылдьар  биир дойдулаахтарын  дьонугар уонна соҕотох олорор аҕам саастаахтарга, тыыл, үлэ бэтэрээннэригэр  муус тиэйдилэр.

Хадан  эр дьоно эмиэ  сулууспалыы сылдьар уолаттарын  дьонугар итиэннэ оскуолаҕа уонна  уһуйааҥҥа  муус ыллылар.