Сунтаардар Өрөспүүбүлүкэ күнүн үлэнэн көрүстүлэр

Сааскы халаан уутун ыытыыга, кыс устата мунньуллубут бөҕү-сыыһы хомуйууга о.д.а. үлэлэри ыытыыга Сунтаар улууһун тэрилтэлэрэ Өрөспүүбүлүкэ күнүн көрсө күргүөмнээх субуотунньукка таҕыстылар.

Быйыл хаар элбэх буолан халаан уута толору. Маны бохсор сыалтан ханаабалары муустан босхолоотулар, ыраастаатылар, ууну ыыттылар. Албан аат болуоссатыгар ууну оботторон барыахтаах сиригэр ыыттылар. Уонна Улуу Кыайыы 80 сылыгар бэлэмнэнэн тыылга хаалбыт оҕолоох ийэҕэ анаммыт өйдөбүнньүк пааматынньыгын саҥартылар.

Оттон ыһыах түһүлгэтигэр тиийэн кэллэххэ улуус дьаһалтатын үлэһиттэрэ маһы суулларан, оттук маһы бэлэмнээтилэр. Манна улуус 26 нэһилиэгин ураһалара тутуллуохтара, анал түһүлгэлэрэ төрүттэниэҕэ. Бу күн култуура үлэһиттэрэ үлэһит дьону уруйдаан бырааһынньыгынан эҕэрдэлээтилэр.

Тускулаана Горохова-Кобельянова