@suntaar_ulus
Муус устар 9-10 күннэригэр Дьокуускайга сүдү киһи Сергей Зверев тоҕус оһуордаах түһүлгэтэ төрүттэниэҕэ. Маныаха тэрийээччилэр алгыс ылан сахалыы таҥастаах сэлэлии хаамтылар, саҥардыллыбыт Өрөспүүбүлүкэ болуоссатыгар оһуохайга эргийдилэр.
Доҕордоһуу болуоссатыттан Өрөспүүбүлүкэ болуоссатыгар диэри сунтаардар сахалыы таҥаһы сайбаччы таҥнан сэлэлии хаамтылар. Ураты көстүүнү куорат дьоно сэргии көрдө, хаартыскаҕа түһэрдилэр, видеоҕа уһуллулар.
Өрөспүүбүлүкэ болуоссатыгар тиийэн оһуохайы оройуттан туттулар. Эргииргэ олус элбэх киһи киирэн түһүлгэни киэргэттилэр, таһымы үрдэттилэр.
Төрүт култуураны өрө тутааччылары сомоҕолуур, биир түһүлгэҕэ түмэ тардар «Тоҕус оһуордаах түһүлгэ» быйыл төрдүс төгүлүн ыытыллар. Ааспыт сылга фольклор араас көрүҥнэригэр 900-тэн тахса киһи кыттыыны ылбыта.
Күрэх генеральнай спонсора биһиги биир дойдулаахпыт Матвей Евсеев. Кини өйөбүлүнэн кыайыылаахтар уу харчынан наҕараадаланыахтара.
Бу курдук алгысчыт Михаил Евсеев — Кураһаай Мэхээлэ оһуохайынан, алгыһынан тоҕус оһуордаах түһүлгэ аартыга арылынна.
@suntaar_ulus
Ленскэй оройуонун олохтооҕо маарката суох, ГОСТ ирдэбилигэр эппиэттээбэт арыгынан эргинээри сууттаммыт. Ол курдук, 60 саастаах…
Ыам ыйын 29 күнүгэр Таатта улууһун Харбалаах сэлиэнньэтин уһуйааныгар самаан сайыны көрсө “Үрүҥ тунах” ыһыах…
-- Байыаннай дьайыы зонатыгар сылдьар эбэтэр госпитальга сытар байыаннай сулууспалаах электроннай каартатынан атын киһи (аймаҕа,…
Аллараа Халыма улууһун Черскэй бөһүөлэгэр 17 саастаах оҕо киһини улаханнык эчэтэн, өлүүгэ тиэрдибитинэн холуобунай дьыала…
Ил Дархан Айсен Николаев оробуочай сырыытынан Аллараа Халыма оройуонугар сылдьан улуус баһылыга Ярослав Бандеровтыын көрүстэ.…
ИДьМ Нерюнгритааҕы отделын дьуһуурунай чааһыгар суһал көмө диспетчерэ 36 саастаах эр киһи быһаҕынан анньыллан балыыһаҕа…