Хаартыска: sakha.gov.ru ылылынна
Бырабыыталыстыба отчуотугар вице-премьер Георгий Степанов салайааччылаах бөлөх Сунтаар улууһугар үлэлиир. Бу күннэргэ Маар Күөл, Уһун Күөл, Дьаархан олохтоохторун кытары көрүстүлэр.
Маар Күөл олохтоохторо оскуолаҕа успуорт саалата тутуллубутугар махтаналлар. Кэпсэтиигэ нэһилиэк олохтоохторо мелиорация, чэпчэтиилээх билиэттэр тустарынан токкоолостулар. Доруобуйа харыстабылын туһунан кэпсэтиини тумнубатылар.
Уһун Күөллэри култуура дьиэтин боппуруоһа долгутар. Бу туһунан боппуруоһу Арассыыйа Дьоруойа Дмитрий Егоров аҕата Николай Егоров көҕүлээбит, көтөхпүт.
СӨ Бырабыыталыстыбатын Бэрэссэдээтэлин солбуйааччы, оробуочай бөлөҕү салайар Георгий Степанов култуура министиэристибэтигэр улуус дьаһалтата бу эбийиэккэ ирдэнэр докумуоннары биэрбитин туһунан иһитиннэрдэ. Салгыы култуура дьиэтин тутууну өрөспүүбүлүкэ инвестиционнай бырагырааматыгар киллэрэргэ үлэ ыытыллыахтаах. Маны таһынан нэһилиэк олохтоохторо тыа хаһаайыстыбатын, доруобуйа харыстабылын уонна гаастааһын боппуруостарын туруорсаллар.
Дьаархаҥҥа Аҕа дойду уоттаах сэриитигэр Улуу Кыайыы 80 сылынан, биир боппуруоһунан тыыл бэтэрээннэрин олорор дьиэлэрин хапытаалынай өрөмүөнүгэр көрүллүбүт үбүлээһини үрдэтии туһунан буолла. Бу боппуруос бырабыыталыстыба таһымыгар көрүллүбүт. Тыыл бэтэрээннэрин олорор дьиэлэрин хапытаалынай өрөмүөнүгэр көмө кээмэйэ улаатыа диэн буолла.
СӨ доруобуйа харыстабылын миниистирин бастакы солбуйааччы Дмитрий Сергин салайааччылаах бөлөх Бүлүүчээҥҥэ, Наахараҕа, Кириэстээххэ сырытта. Бүлүүчээннэр мэдиссиинэ тэрилтэтигэр саҥа санитарнай массыына бэриллэрин туһунан истэн үөрдүлэр.
Үп миниистирин э.т. Иван Алексеев салайааччылаах бөлөх Күндэйэҕэ, Устеҕа, Кэмпэндээйигэ сырытта. Кэмпэндээйигэ култуура дьиэтэ былырыын үлэҕэ киирбитэ. Бу РФ бэрэсидьиэнэ В.Путин көҕүлээбит «Култуура» национальнай бырайыак иитинэн тутуллубут. Олохтоохтор маны сэргэ, саҥа оскуоланы, нэһилиэккэ реабилитационнай киини аһары туруорустулар.
Санатар буоллахха, Бырабыыталыстыба отчуота Сунтаар улууһугар олунньу 11 күнүттэн саҕаламмыта. Вице-премьер Георгий Степанов салайааччылаах оробуочай бөлөх үс хос бөлөххө арахсан үлэлиир. Улуус 26 нэһилиэнньэлээх пуунугар сылдьаллар. Отчуот түөрт күн ыытыллар. Олунньу 14 күнүгэр Сунтаарга түмүктэниэхтээх.
СӨ Ил Дарханын уонна Бырабыыталыстыбатын пресс-сулууспата
Бүгүн, ахсынньы 21 күнүгэр, өрөспүүбүлүкэ баһыйар үгүс өттүгэр кыралаан хаардыаҕа. Халымаҕа, Аллайыахаҕа хаар сөбүгэр түһүөҕэ.…
Бүгүн Күн салайар күнэ — өрөбүл. Онон айар-тутар эрчим, үөрүү-көтүү уонна сырдык баһылыаҕа. Онуоха эбии,…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…
Быйыл 3-тэн 79-гар диэри саастаах нэһилиэнньэ уопсай ахсааныттан физическэй култууранан уонна успуордунан систиэмэлээхтик дьарыктанар дьон…
РИА Новости ааҕан-суоттаан таһаарбытынан, эһиил дойдуга сааһынан страховой биэнсийэ барыларыттан ордук Чукоткаҕа үрдүөҕэ, онно эбиллиитэ…