Ахсынньы 20 күнүгэр Сунтаар улууһугар «САССР 100 сылынан — 100 ыал» саҥа дьиэ күлүүһүн тутар долгутуулаах түгэн тосхойдо.
Ол курдук, Сунтаар нэһилиэгэр хаарбах дьиэлэртэн көһөрүү тосхолунан элбэх кыбартыыралаах саҥа уопсай дьиэлэр үлэҕэ киирдилэр.
Сарсыарда 10 чаастан Октябрьскай уулусса 49, 1-2 подъеһа, онтон 12.00 чаастан Өктөөп 70 сыла уулусса 1 Б нүөмэрдээх дьиэлэрэ үөрүүлээхтик аһылыннылар. Биэс мэндиэмэннээх дьиэ иккис, үһүс уочаратын “Главстройкомплекс” ХЭО (салайааччы Анатолий Исаев), 70 лет Октября уулуссаҕа баар түөрт мэндиэмэннээх дьиэни “Дабаан-строй” ХЭО (салайааччы Владимир Яковлев) туттулар.
Сунтаар улууһун баһылыга Анатолий Григорьев саҥа кыбартыыралар олохтоохторун эҕэрдэлииригэр Сунтаар сэлиэнньэтин баһылыга Эдуард Филипповка, улуус тутуутун управлениетын үлэһиттэригэр уонна “Дабаан-строй” хааччахтаммыт эппиэтинэстээх уопсастыба салаайааччытыгар Владимир Яковлевка, тутааччыларга уо.д.а. махтанна. Ону сэргэ, эҕэрдэ тыллары Сунтаар нэһилиэгин баһылыгын солбуйааччы Федор Федоров, тутааччы Анатолий Исаев тириэртилэр.
Улуус баһылыга Анатолий Васильевич Анатолий Исаевка “Сунтаар улууһугар тутуу сайдыытыгар кылаатын иһин” анал бэлиэни туттарда.
Раиса ЕГОРОВА:
— Мин урут Строительнай уулуссаҕа икки кыбартыыралаах дьиэҕэ олорбутум. Дьиэбит эргэ буолан, хара маҥнайгыттан тыбыс-тымныынан хаарыйан, хас кыһыны кыһалҕалаахтык туораабытым буолла?
Онон, билигин биэнсийэҕэ тахсан, бэлэм уулаах-хаардаах сылаас дьиэҕэ олоруохпун санаатахпына, олус үөрэбин. Уопсайынан, хаарбах дьиэттэн көһөрүүгэ түбэһэрбин иһитиннэриэхтэриттэн ыла, дьиэ тутуута, онно биһигини бэлэмнээһин, докумуоннары толорсуу барыта өр уһатыллыбакка, чопчу оҥоһуллубутуттан олус үөрдүбүт. Маннык бырагыраама баар буолан, биһиэхэ саҥа дьиэлэнэр дьолу биэрбит улууспут дьаһалтатыгар, тутааччыларга, туох баар сүүрбүт-көппүт, биһиэхэ кыһаллыбыт исписэлиистэргэ махтанабыт. Саҥа дьыл иннинэ умнуллубат бэлэҕи оҥордулар.
Бүгүн, тохсунньу 10 күнүгэр, биллиилээх суруналыыс, уопсастыбаннай диэйэтэл, РФ суруналыыстарын сойууһун, РФ уонна СӨ суруйааччыларын…
Саха сирин олохтоохторун төлөпүөнүнэн түөкүннээһин саҥа, кутталлаах көрүҥэ тарҕаммытын туһунан сэрэттилэр. Түөкүттэр военкомат аатыттан эрийэн,…
Саҥа дьыллааҕы бырааһынньыктар кэннилэриттэн харыйаны көннөрү бөх контейнерыгар бырахпыт буруйдаахтар хас да тыһыынча солкуобайга диэри…
Дойду үрдүнэн 2026 сылга сааһынан ананар страховой биэнсийэ орто кээмэйэ ыйга 27 тыһыынча солкуобайга тэҥнэһиэ.…
СӨ Борокуратуурата дьиэ-уот быраабын көмүскээһин туһунан тулаайах кыыс сайабылыанньатынан бэрэбиэркэни ыытта. Бу туһунан СӨ Борокуратуурата…
Дойду бырабыыталыстыбата Уһук Илин сүрүн эрэгийиэннэрин эбии үбүлээһининэн өйүөҕэ. РФ бырабыыталыстыбатын бэрэссэдээтэлэ Михаил Мишустин тустаах…