"Сунтаар сонуннара" тг-ханаал.
Сунтаарга 1 Маай бырааһынньыгын күргүөмнээх үлэнэн, маассабай субуотунньугунан көрүстүлэр. Үгэс курдук, маассабай параат быйыл буолбата. Төһө да тымныы тыаллаах, ардахтаах күн турдар, үлэ кэлэктииптэрэ киин болуоссакка мустан, бастаан санааны көтөҕөр тыл этиилэрин, патриотическай ырыалары иһиттилэр, онтон бары күргүөмүнэн үлэҕэ таҕыстылар.
Ол курдук, култуура тэрилтэлэрин үлэһиттэрэ уулуссалар кытыыларынан уу барар ханаабаларын ыраастаатылар. Муус устар бүтүүтэ эмискэ уулларан, уу халыс гына түспүтэ, Сунтаар сэлиэнньэтигэр сорох ыаллар дьиэлэрэ ууга барбыта. Онон маннык ханаабалар бүөлэммэккэ, ыраас туруохтаахтар.
Үгүс дьон «Үлэ! Эйэ! Маай!» диэн девизтээх, куул тута-тута тэрилтэлэр тастарыттан, уулуссалартан кыһын устата мунньуллубут бөҕү-саҕы хомуйдулар. Сунтаар сэлиэнньэтэ тута ырааһыра, тупса түстэ.
Маны тэҥэ, оскуолаларга патриотическай кылаас чаастара буоллулар. Сунтаардааҕы лиссиэйгэ анал байыаннай дьайыы бэтэрээнэ Сергей Я. оҕолору кытта көрүстэ. Кини бэйэтин баҕа өттүнэн хантараак баттаһан барбыт эбит.
Ил Дархан Ил Түмэҥҥэ Туһаайан этиитигэр байыаннай дьайыы кыттыылаахтарыгар, кинилэр дьиэ кэргэттэригэр уопсастыбаннас улахан көмөнү…
Саха ыалын сиэрэ-туома. Итэҕэл быһыытынан, дьиэ Айыы аартыга аһыллар сиринэн, илин диэкинэн, ааннанар. Дьиэ тутуутун сүрүн…
Горнай улууһун В.Д.Лонгинов аатынан Атамай орто агро хайысхалаах оскуолатын үөрэнээччилэрэ, дойдубут тэбэр сүрэҕэр Москваҕа дойду…
Клоннааһын бастакы “сиэртибэтинэн” дуу, “дьолунан” дуу 1996 сыллааха күн сирин көрбүт Долли бараан буолар. Ол…
Аҕа дойду уоттаах сэриитигэр Улуу Кыайыы 80 сылынан, Арассыыйаҕа Аҕа дойдуну, Саха сиригэр Ийэ дойдуну…
Таһырдьа сааскылыы ылааҥы күннэр саҕаланнылар. Кэбээйи улууһун Сииттэ нэһилиэгэр астына-дуоһуйа сибиэһэй салгыҥҥа оонньоору-көрүлээри кырачаан уолаттар…