@suntaar_ulus
Сунтаар улууһун баһылыгын бастакы солбуйааччыта Николай Александров, 13 күн устата муна сылдьыбыт киһи этэҥҥэ доруобай көстөн, билигин анал исписэлиистэр доруобуйатын көрөн-истэн, сытар балыыһаҕа салгыы эмтэниигэ ыыппыттарын туһунан иһитиннэрдэ.
Хирургия балыыһатыгар тиийбиппит киһибитин сууйан-тараан, атын балыыһаҕа илдьээри суһал көмө массыынатын кэтэһэн тураллара. 1958 сыллаах төрүөх Владимир Григорьев саҥата-иҥэтэ үчүгэй, бэйэтэ умнуган буолан, 13 күн устата ойуурга сылдьыбытын итэҕэйбэт. Икки сыллааҕыта эмиэ 9 күн сүтэ сылдьыбытын атын ыалтан булбуттара. Кини бэйэтэ хаамар идэлээхпин диир, онон бэйэтэ да билбэтинэн ыраатан хаалбыт. Ситэ илик моонньоҕонунан, хаптаҕаһынан аһыы сылдьыбыт. Муна сылдьар киһиэхэ, өҥүрүк куйааска уу тиийбэтэ саамай ыарахан диир.
Бу бириэмэҕэ кинини көрөн-истэн олорор эдэркээн кыыс кэллэ. Мунаах Владимиры күтүөтэ эбит. Эдьиийэ суох буолбутун кэннэ, кини көрөн-истэн олорор. Муммутун туһунан биллэриилэргэ көрөн, хата бииргэ төрөөбүт быраата уонна аймах дьоно билиннилэр диир. Онон балыыһа кэнниттэн салгыы ханна олорорун быһаарыахтара.
Владимир Григорьев эдэр эрдэҕиттэн күүстээх үлэҕэ сылдьан, икки киһи үлэтин соҕотох толорор кыахтаах киһи этэ. Ол да иһин киниэхэ күүһүн-уоҕун бигэргэтэн Манчаары диэн хос ааты иҥэрбиттэрэ. Онон кини аата — кини араначчыта дииллэр биир дойдулаахтара.
Сунтаар улууһун пресс-сулууспата
Ил Дархан Айсен Николаев өрөспүүбүлүкэ терроризмы утары охсуһар хамыыһыйатын уонна суһал ыстаап холбоһуктаах мунньаҕын ыытта.…
Виктория Семенова унтуу тикпитэ сүүрбэччэ сыл буолбут. Бэйэтэ этэринэн, бу сыллар тухары 50 тыһыынчаттан тахса унтууну…
Бырабыыталыстыба бэрэссэдээтэлин солбуйааччы Георгий Степанов салайааччылаах өрөспүүбүлүкэ социальнай салаатын салайааччылара сыл аайы ыытыллар «Үтүө санаа…
Амматааҕы полиция дьуһуурунай чааһыгар олохтоох киһи массыынатын уоттуу сатаабыттарын туһунан иһитиннэрбит. Эр киһи быһаарбытынан, дьиэтин…
Дьокуускай куорат мээрэ Евгений Григорьев пресс-кэмпириэнсийэ кэмигэр суруналыыстар киин куоракка сылы эргиччи үлэлиир итии былаһааккалары…
Төрөөбүт тыллары харыстыыр уонна сайыннарар судаарыстыбаннай бырагыраама чэрчитинэн, 2026 сылтан саҕалаан, муниципальнай бибилэтиэкэлэргэ оҕо төрөөбүт…