Сунтаарга 28 камера туруорулунна

Сунтаарга 28 кэтээн көрөр камералар тураннар, дьуһуурунай чааска онлайн көрүҥүнэн, бэрээдэги көрөн олороллор.

Маннык дьаһаныы «Куттала суох куорат» автоматизированнай систиэмэнэн, федеральнай бырагырааманан холбонно. Улуус киинигэр эрэ буолбакка, 8 нэһилиэккэ эмиэ баар. Барыта 83 камера турда.

Маннык камералар тураннар бэрээдэги кэһии аҕыйаабыт уонна биллэн турар, анал сулууспалар үлэлэрин судургутутан биэрдэ. Маны таһынан, массыына төһө түргэнник айаннаан иһэрин көрдөрөр, Паутина систиэмэтинэн, федеральнай суол кэрчигэр 3 камера баар.

Суол быраабылатын тутуһуҥ, суолга сэрэхтээх буолуҥ!

Сунтаар улууһун дьаһалтатын пресс-сулууспата