Хаартысканы Тускулаана ГОРОХОВА-КОБЕЛЬЯНОВА тиксэрдэ
Сунтаарга «Якутлесресурс» тэрилтэ баһаарга эмсэҕэлээбит сири чөлүгэр түһэрэр сыаллаах, 30 000 бэс маһы олортулар.
Ойуур хаһаайыстыбатын үлэһиттэрэ Сунтаартан Күндэйэлиир федеральнай суолга 12 км сиргэ улахан баһаар буолбут сирин чөлүгэр түһэрэн мас олортулар. Бэһи Красноярскайтан «Горнайдааҕы автодор» акционернай хампаанньа сакааһынан атыылаһан, биһиги улууска олортулар. Барыта 30 000 кэриҥэ бэс олордуллан, аны хас да сылынан бэртээхэй сири көрүөхпүт турдаҕа. Бу маннык кэрэхсэбиллээх, күргүөмнээх хамсааһын Сунтаарга 60-70 сылларга эрэ буолбута диэн өр үлэлээбит инженер идэлээх Виктор Гуляев санаатын үллэстэр. Соторутааҕыта Бииктэр «Гражданскай килбиэн» үрдүк ааты ылбыта. Онтон салайааччы Василий Яковлевка «СӨ ойуур хаһаайыстыбатын үтүөлээх үлэһитэ» ааты иҥэрбиттэрэ. Түгэнинэн туһанан истиҥ эҕэрдэ!
Федеральнай суол таһынан бу баараҕай сиргэ 2020 сылга улахан баһаар туран улаханнык ыксаталыы сылдьыбыта. Манна ойуур хаһаайыстыбатын үлэһиттэрэ сүөм түһэн үлэлээбит буоллахтарына, билигин үөрэ-көтө бу сири саҥа тыынныыллар.
Тускулаана ГОРОХОВА-КОБЕЛЬЯНОВА
Ахсынньы 7 күнүгэр Оһуокай куоракка олорор Бүлүү улууһун олохтоохторугар ананна. Куоракка олорор Бүлүү улууһуттан төрүттээх…
Дьүөгэм, Үп министерствотыгар таһаарыылаахтык үлэлээбит Анна Романовна Винокурова бочуоттаах сынньалаҥҥа олорор. Бу күннэргэ Дубайга олорор…
Аныгы сайдыылаах үйэбитигэр өрөспүүбүлүкэбит хайа да муннугар аны хаалыылаах, түҥкэтэх сир диэн суох. Бээ, бу…
Уһун, тымныы кыһыннаах, тыйыс айылҕалаах хоту дойдуга олорор буоланнар, өбүгэлэрбит барахсаттар күөх сайын уунар уйгутуттан…
Амма улууһун Соморсун нэһилиэгэр үлэһит тырахтарыыс уолаттар, эр дьон баар буоланнар, дэриэбинэ олоҕо күөстүү оргуйар.…
"Амма" эрэгийиэннээҕи айан суолун 93-94 км учаастагар билигин да күөлтэн уу киирэ турар. "СУ-77" тэрилтэ…