Сунтаарга 58 саастаах эр киһи сөтүөлээри ууга былдьанна

Сунтаар Күндэйэтигэр 58 саастаах эр киһи ууга былдьаммытын туһунан СӨ Быыһыыр сулууспата иһитиннэрэр.

Нэһилиэк баһылыга Быыһыыр сулууспаҕа иһитиннэрбитинэн, бу киһи оттуу сылдьыбыт. Үлэлээн бүтэн баран Бэрэ күөлгэ сөтүөлээри киирбит.

«Тимирбит киһини көрдүү Сунтаардааҕы көрдүүр-быыһыыр этэрээт быыһааччыта барбыт. 05:15 чааска өлүгүн булбуттар», — диэн Быыһыыр сулууспа суруйар.