Хаартыска: видеоттан скриншот
Сунтаарга бассейннаах успуорт уораҕайын тутуутугар бу сыл ыам ыйыттан саҕалаан саҥа бэдэрээччит «Тутуу Саха» тэрилтэтэ ылсан үлэлиир. Өрөбүлэ суох симиэнэнэн үлэ бэрээдэгэ олохтонон, тутуу тэтимнээхтик барар. Бу туһунан Сунтаар улууһун дьаһалтатын пресс-сулууспата суруйар.
Тутааччылар саамай сүрүнэ үлэһит илии ахсаана элбэх буолуохтаах дииллэр. Онон билигин үлэлии сылдьар 30 киһиэхэ эбии уопуттаах дьону аҕалыахтара. Тэрилтэ кылаабынай инженерэ Дмитрий Прокопьев эбийиэккэ билиҥҥи туругунан 30 киһи үлэлиир, ол иһигэр Таджикистантан 18 оробуочайдаахпыт диэтэ.
«Эбийиэк бастакы этээһин ис өттө оҥоһуллар, сарайын сылытар бүрүөһүнүнэн бүрүйдүбүт, стяжката кутулунна, иккис этээскэ бассейн кутуллан, штукатуркаланан бэлэм турар. Үһүс этээскэ истиэнэтин уура сылдьаллар. Эбийиэк ахсынньы ыйыгар тутуллан олоххо киириэхтээх, тутуу матырыйаала кэмигэр кэлэ турар», — диир Дмитрий Прокопьев.
Санаттахха, Сунтаардааҕы алын сүһүөх оскуола территориятыгар улууска бастакы бассейннаах успуорт комплексын тутуллар миэстэтигэр бастакы сыбаайаны түһэрии үөрүүлээх сиэрэ-туома 2017 сыллаахха ыытыллыбыта. Успуорт комплекса бассейннаах, үс этээстээх, 1722 кв. м. иэннээх, 140 миэстэлээх буолара былааннанар.
Улуус баһылыга Анатолий Григорьев маннык баараҕай, тыа сирин усулуобуйатыгар бастакы уустук тутуу буоларын бэлиэтиир.
Хаҥалас улууһун 1-кы Малдьаҕар нэһилиэгин олохтоохторо ааспыт өрөбүллэргэ бэлиэтэммит "Нэһилиэк күнүгэр" бэртээхэй сонуну истэн үөрдүлэр.…
Бу күннэргэ Амма улууһун баһылыга Степан Кузьмин кыстыкка киириигэ бэлэмнэнии чэрчитинэн улуус киинин хочуолунайдарын туруктарын…
Таатта Харбалааҕар Аҕа дойду Улуу сэриитигэр кыайыы 80 сыллаах үбүлүөйүн көрсө бэлэмнэнии үлэ саҕаланна. "Дьоһуннааҕы…
Бүгүн СӨ Урбааҥҥа, атыыга-эргиэҥҥэ уонна туризмҥа миниистирэ Тимур Ханды министиэристибэ үлэһиттэригэр «Туризмы сайыннарыы уонна территориальнай…
Балаҕан ыйын 14 күнүгэр "Мукучу нэһилиэгэ" МТ баһылыга Николай Иванович Левин, "Сарыал" түөлбэ салайааччыта Анна…
Нам улууһун баһылыга Юрий Слепцов анал дьаһалынан улуус социальнай-экэнэмиичэскэй сайдыытын пуондатын бырабылыанньата халаан уутуттан эмсэҕэлээбит…