Салгыы
Сунтаарга адаптивнай спорт көрүҥнэрин сайыннараллар

Сунтаарга адаптивнай спорт көрүҥнэрин сайыннараллар

Ааптар:
15.01.2024, 16:02
Хаартыска: Тускулаана ГОРОХОВА-КОБЕЛЬЯНОВА
Бөлөххө киир:

Тохсунньу 18-19 күннэригэр доруобуйаларынан хааччахтаах спортсменнары түмэр  чэпчэки атлетикаҕа өрөспүүбүлүкэ чемпионата тэриллэр.

Сунтаарга Афанасий Терентьевич Жараев адаптивнай спорт тренеринэн үлэлээбитэ ыраатта. Кини алта кɵрүҥҥэ: чэпчэки атлетикаҕа, олорон эрэ волейболга, голболга, шаудауҥҥа, остуол оонньууларыгар, теннискэ  эрчийэр. Тренер ыччат дьону тɵрɵппүт оҕолорун курдук бүɵбэйдээн, эрчийэн ситиһиитэ ааҕан ситиллибэт. Чыпчаал ситиһии олорон эрэ волейболга Алена Дмитриева аан дойду чемпиона буолан Токиоҕа паралимпиадаҕа кыттыыта…

Афанасий Терентьевич иитиллээччилэрэ нус-хас олохтоноллорун туһугар олус кыһаллар. Бэл диэтэр үлэ, дьиэ кытта булан биэриигэ улахан болҕомтотун уурар. Аҥаардас үс спортсменын «Татыйыына» хампаанньаны кытта кэпсэтэн үлэҕэ киллэрбит, түгэнинэн туһанан  салайааччыга Нина Герасимоваҕа махталын тиэрдэр.

Чэпчэки атлетика кыһыҥҥы чемпионатыгар бэлэмнэнээри ыччаттар үɵрэхтэриттэн, үлэлэриттэн кɵҥүллэтэн кэлэн эрчиллэллэр. Мичийэ Иванова Бүлүүгэ автомеханик идэтигэр үɵрэнэр. Кини илиитигэр күүстээҕин былырыын бэлиэтии кɵрɵн ядро быраҕыытыгар улуус хамаандатыгар киллэрбиттэрэ, ол үтүɵ түмүгэ Аммаҕа үһүстээн үɵрдүбүтэ.

Сунтаарга адаптивнай спордунан 60-ча киһи дьарыктанар. Ньургустаан Макаров Күүкэйтэн киирэн сүүрүүгэ дьарыктанар. Кини кыһыҥҥы спартакиадаҕа 60, 200 миэтэрэҕэ холонуохтаах. Маннык спортка угуйуллубуппуттан үɵрэбин диэн санаатын үллэстэр. Кини сайыҥҥы спартакиадаҕа сүүрбэттэн тахса кыттааччыттан алтыс миэстэ буолбута.

Кытаатыҥ ситиһиилэри, чыпчааллары, кыайыылары!

Тускулаана ГОРОХОВА-КОБЕЛЬЯНОВА

Бары сонуннар
Салгыы
9 июля
  • 19°C
  • Ощущается: 19°Влажность: 68% Скорость ветра: 3 м/с

Сообщить об опечатке

Текст, который будет отправлен нашим редакторам: