Сунтаарга «Аҕа күрэҕэ-2024» Дьоруой кэриэһигэр ыытылынна

Share

Бу күннэргэ Сунтаар улууһугар  24 төгүлүн ыытыллар «Аҕа күрэҕэ-2024» күрэс Арассыыйа Дьоруойа Дмитрий Егоров кэриэһигэр Арыылаах нэһилиэгэр, Кулуһуннаах күөлүгэр ыытылынна. Күрэс Арассыыйаҕа Дьиэ кэргэн, өрөспүүбүлүкэҕэ Оҕо саас уонна Арыылаах нэһилиэгэр биллэриллибит Аҕа сылыгар ананна.

Хаартыска: А.Павлова.

Күрэхтэһиигэ 7 нэһилиэктэн аҕалар  уолаттарын кытта 9 хамаанда туруоран, кытыннылар. Күрэхтэһии хас да түһүмэхтэн турар диэн Арыылаахтааҕы модельнай бибилэтиэкэ сэбиэдиссэйэ Александра Павлова иһитиннэрдэ.
— Хамаандалар уратытык бэйэни билиһиннэриигэ, маһы суорууга, бэрэбинэлэри эрбээһиҥҥэ, оттук маһы бэлэмнээһиҥҥэ, ойбону алларыыга, остуолбаҕа тахсыыга, чэйи оргутарга уонна эбии саҥа «булчут биатлона» диэн көрүҥҥэ күүстэрин холоннулар, күрэс былдьастылар.
Хадантан Арылхан, Геннадий Владимирович Пустоляковтар, Иван, Владимир Гаврильевич Наховтар; Сунтаартан  Арылхан, Руслан Афанасьевич Поповтар; Уһун-Күөлтэн Марк, Иван Владиславович Тихоновтар уонна Ярослав, Данил Анатольевич Еремеевтэр; Сиэйэттэн  Гром, Степан Николаевич Корниловтар; Тюбэй Дьаархантан Арсений, Сергей Реасович Зверевтэр; Маар Күөлтэн Владимир Потапов, Михаил Константинович Данилов; Кэмпэндээйиттэн Валентин, Андрей Сергеевич Гуриновтар кытыннылар.
Бары кыттааччылар ох курдук оҥостон кэлбиттэрэ көрөргө астык. Хамаандалар эрбии тииһин курдук эгил-тэгил эристилэр даҕаны, түмүккэ Сиэйэттэн кэлбит Гром, Степан Корниловтар «Аҕа күрэҕэ-2024″ кыайыылаахтарынан буоллулар. 2-с миэстэҕэ Арылхан, Геннадий Пустоляковтар, 3-с миэстэҕэ Иван, Марк Владимир Наховтар таҕыстылар, — диэн кини кэпсээтэ.

Кыайыылаахтар уонна бары хамаандалар кыттааччылара бэлиэ суруктарынан уонна сыаналаах бириистэринэн наҕараадаланнылар. Кыайыылаахтар өрөспүүбүлүкэтээҕи «Аҕа күрэһэ» күрэхтэһиигэ Сунтаар улууһун чиэһин көмүскүөхтэрэ.

Recent Posts

  • Сонуннар
  • Сүрүн

Горнайдар кинигэ биһирэмигэр түмүстүлэр

Аҕа дойду сэриитигэр Улуу Кыайыы үбүлүөйдээх 80 сылын тэрээһиннэрин түмүктүүр "Уоттаах сэрии сылларыгар" кинигэ биһирэмэ…

38 минут ago
  • Сонуннар
  • Уопсастыба

«Үтүө санаа харыйата» аахсыйа болҕомтону тардар

СӨ Бырабыыталыстыбатын Бэрэссэдээтэлин бастакы солбуйааччы Дьулустаан Борисов "Үтүө санаа харыйата" аахсыйаҕа кыттыыны ылла. Адаптивнай үөрэх…

1 час ago
  • Интэриэһинэй
  • Сонуннар

КЭПСЭЭННЭ ИСТИЭҔИҤ: «Хаарчаана бэлэҕэ» (аудио)

sakha-sire.ru саайт «Кэпсээннэ истиэҕиҥ» диэн бырайыагар «Саха сирэ» хаһыат суруналыыһа, суруйааччы  Ангелина Васильева-Дайыына  "Хаарчаана бэлэҕэ"…

1 час ago
  • Сонуннар
  • Сүрүн

«Уһук Илин сулуһа» бириэмийэ кыайыылаахтара

Бастыҥ волонтерскай көҕүлээһиннэр уонна устудьуоннар түмсүүлэрэ "Уһук Илин сулуһа" бириэмийэнэн бэлиэтэннилэр. РФ Бырабыыталыстыбатыгар сыл ахсын…

2 часа ago
  • Сонуннар
  • Уопсастыба

Үөрүүнү бэлэхтээтилэр

Бэрдьигэстээххэ кырдьаҕастар уонна инбэлииттэр олорор социальнай дьиэлэригэр сэргэх тэрээһин буолла. Саҥа дьылы көрсө манна социальнай…

2 часа ago
  • Сонуннар
  • Уопсастыба

Норуот үөрэҕин иҥэриммит үтүө арчыһыт

Бу күннэргэ Дьокуускайга Арчы дьиэтигэр  сырдык санааны саҕар ис хоһоонноох  дьоро тэрээһин буолан ааста. Бу…

3 часа ago