Сэтинньи — Баай Байанай ыйа. Сахалар биир саамай ытыктыыр, сүгүрүйэр ыйбыт. Уол оҕоҕо, эр киһиэхэ бу ый ураты суолталаах. В. Г. Павлов аатынан алын сүһүөх оскуола 2 кылааһын үөрэнээччилэрэ Сунтаар күөлүгэр Байанай күнүн бэлиэтээтилэр.
Манна учууталлар уонна төрөппүттэр тэрийиилэринэн, сэргэх күрэстэр ыытылыннылар, айылҕаҕа сылдьыы сиэрин-туомун толордулар. Ол курдук күнүс 14.00 чаастан мустан, Байанай туһунан билиһиннэрдилэр, аал уоту отуннулар, байанай ыйын бэлиэтин Оҕу оҥорон көрдүлэр. Ол кэннэ араас хайысхаларынан күрэстэр тэрилиннилэр. Кырачааннар сыалы ытыы, маамыкта, куобаҕы көрдөөһүн, куйуурдааһын курдук төрүт дьарыкка холонон көрдүлэр. Ону таһынан, төрөппүттэр алгыстаах алаадьыны, үтэһэлээх эти, итии чэйи илдьэ кэлэн, кырачааннарга күндүлээтилэр. Тымныы халлааны ахсарбакка, оҕолор үөрэн-көтөн, тэрээһинтэн астыннылар.
Бу курдук, учууталлар оҕолору кыра саастарыттан төрүт үгэскэ уһуйан, айылҕаҕа сылдьыы үөрүйэҕин, сатабылын иҥэрэн, сөптөөх иитиини олохтууллар. Оскуола дьаһалтатыгар махталбытын тириэрдэбит!
Сунтаар улууһун дьаһалтатын пресс-сулууспата
Муус устарга 872 оҕо күн сирин көрбүт. Дьиэ кэргэн уонна Оҕо саас сылларыгар Саха сиригэр…
Байыастарга бырааһынньыктааҕы ас-үөл набордарын ыам ыйын 11 күнүгэр диэри туттартыахтара. Кыайыы күнүн көрсө ас-үөл набордарын…
Бүгүн Араадьыйа күнүн көрсө "Саха" НКИХ салалтата Аҕа дойду Улуу сэриитин кыттыылааҕа, Сэбиэскэй сойуус Дьоруойа,…
Суоттуга тыыл бэтэрээннэригэр, сэрии кэмин оҕолоругар, Дьоруой ийэҕэ, байыаннай дьайыыга кытта сылдьар дьоммут дьиэ кэргэттэригэр…
Бу күннэргэ Ньурба улууһун баһылыга Алексей Иннокентьев улуус нэһилиэктэригэр сылдьан үлэни-хамнаһы кытта билсэр. Ол курдук,…
Николай Макаров СӨ култуура нэһилиэстибэтин эбийиэктэрин харыстыыр управление салайааччытынан ананна. Ил Дархан Айсен Николаев 2024…