Сунтаарга байыаннай дьайыы кыттыылаахтарын дьиэ кэргэттэригэр муус ыллылар

Байыаннай дьайыыга сылдьар биир дойдулаахтарын дьиэ кэргэттэригэр көмө үлэтэ Сунтаар улууһугар тиһигин быспакка ыытыллар.

Бэҕэһээ, олунньу  22 күнүгэр, Сунтаар нэһилиэгин дьаһалтатын, Сунтаардааҕы РЭС, ОДьКХ, Баһаарнай чаас, Технологическай колледж  үлэһиттэрэ уонна «Эр дьон сүбэтэ» түмсүү байыаннай дьайыыга  барбыт уолаттар дьиэ кэргэттэригэр муус ылан, тиэйэн биэрдилэр.

Сунтаартан байыаннай эпэрээссийэҕэ ыҥырыллыбыттарга уонна кинилэр дьиэ кэргэттэригэр киэҥ өрүттээх көмө үлэтэ салҕанар диэн «Сунтаар нэһилиэгэ» МТ дьаһалтата иһитиннэрдэ.