Сунтаарга бастакы инчэҕэй хаар түстэ

Балаҕан ыйын 6 күнүгэр Сунтаар оройуонугар бастакы инчэҕэй хаар түстэ.

Сунтаар олохтооҕо сарсыарда 6.30 чааска инчэҕэй хаар түһэрин видеоҕа уһулан социальнай ситимнэринэн үллэһиннэ. Видеону Саха сирин ТГ-ханааллара таһаардылар.

Санаттахха, бүгүн Саха сирин синоптиктара киин, илин, соҕуруу улуустарынан быстах ардах түһэрин, хотугулуу-арҕаа кыралаан ардах, сорох сиринэн инчэҕэй хаар түһэрин билгэлээбиттэрэ.